ءبىر جەر كوپ بالالى بولعاندارعا اقشا بەرەتىن بولدى! ەكى بالالى وتباسىلارىنا 100 مىڭ يۋان، ءۇش بالالى وتباسىلارىنا 200 مىڭ يۋان قوسىمشا قاراجات بەرىلەدى!

جىجياڭ ولكەسى ي ـ ۋ قالاسى تۇراقتى جانە جاقسارتىلعان سۇرانىستى قولداۋ جونىندەگى ۇقتىرۋدى جاريالاپ، 3 – ايدىڭ 28 - كۇنىنەن باستاپ اتقاردى.

ۇقتىرۋعا نەگىزدەلگەندە، ي - ۋ قالاسى ”تۇراتىن ءۇيى بولۋ“ دەگەن بويىنشا تۇڭعىش رەت ءۇي ساتىپ الۋ قوسىمشا قاراجاتىن بەردى. جەكەلەر مەن جۇبايلارىنىڭ اتىندا ي - ۋ قالاسىنىڭ اكىمشىلىك وڭىرىندە تاۋار ءۇي بولماسا (جىلجىمايتىن مۇلىكتى تىزىمگە الۋ مەن توراپتا قول قويىپ ەستەلىككە الۋدى ولشەم ەتەدى)، قۇرىلىس كولەمى 150 شارشى مەتردەن تومەن، ونىڭ ۇستىنە الدىن الا (دايىن تۇرعان) ساتۋدى ەستەلىككە الۋ جالپى باعاسى 3 ميلليون 500 مىڭ يۋاننان اسپايتىن جاڭادان سالىنعان تاۋار ءۇي ساتىپ الۋعا ءار شارشى مەترىنە 1000 يۋان قوسىمشا قاراجات بەرەدى.

كوپ بالالى وتباسىلاردىڭ ءۇي ساتىپ الۋ قوسىمشا قاراجاتى اتقارىلادى. مەملەكەتتىڭ جاپپاي ەكى بالالى بولۋ، ءۇش بالالى بولۋ ساياساتى اتقارىلعاننان كەيىن كوپ بالالى وتباسىلارىنا جاڭا تاۋار ءۇيىن ساتىپ العاندا قوسىمشا قاراجات بەرىلەدى. مۇنىڭ ىشىندە ەكى بالالى بولعان وتباسىلاردىڭ اربىرىنە 100 مىڭ يۋان، ءۇش بالالى بولعان وتباسىلاردىڭ اربىرىنە 200 مىڭ يۋان قوسىمشا قاراجات بەرىلەدى، ءاربىر وتباسى تەك ءبىر رەت قانا يگىلىكتەنەدى.

ۇقتىرۋدا مىنالار ايقىن بەلگىلەندى: ”تۇراتىن ءۇيى بولۋ“ تۇڭعىش رەت كاسىپ اشقان جانە كوپ بالالى بولعان وتباسىلاردىڭ ءۇي ساتىپ الۋ قوسىمشا قاراجاتىن قاباتتاپ پايدالانۋعا بولادى، ءاربىر وتباسىنا بەرىلەتىن قوسىمشا قاراجاتتىڭ جالپى سوماسى 250 مىڭ يۋاننان اسپايدى. قوسىمشا قاراجات مولشەرىنە نەگىزدەلگەندە، الدىمەن ساتىپ العاندار الدىمەن يگىلىكتەنەدى، تاۋسىلعاننان كەيىن توقتايدى.

كەلۋ قاينارى: حالىق تورابى