كەشەدەن باستاپ تۇگەلدەي كۇشىنەن قالدىرىلدى! بۇل اقشانى تاپسىرۋدىڭ قاجەتى جوق!

تاياۋدا مەملەكەتتىك دەنساۋلىق ساقتاۋ جانە سالاماتتىق كوميتەتى، قازىنا مينيسترلىگى، مەملەكەتتىك ەمدەۋ قامسىزداندىرۋ مەكەمەسى، مەملەكەتتىك جۇڭگوشا ەمدەۋ جانە ءدارى – دارمەك مەكەمەسى، مەملەكەتتىك اۋرۋدى تىزگىندەۋ مەكەمەسى، ورتالىق اسكەري ىستەر كوميتەتىنىڭ ارتقى شەپ قامتاماسىزداندىرۋ ءبولىمى قاتارلى 6 تاراۋ بىرلەسىپ «ۇكىمەت باسقارۋىنداعى ەمدەۋ قۇرىلىمدارىنىڭ الدىن الا اقشا تاپسىرۋىن باسقارۋ قىزمەتىن ارناعا ءتۇسىرۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتىپ، 2025 – جىلى 3 – ايدىڭ 31 - كۇنىنەن باستاپ مەملەكەت بويىنشا ۇكىمەت باسقارۋىنداعى ەمدەۋ قۇرىلىمدارى امبۋلاتوريادا الدىن الا اقشا تاپسىرۋدى كۇشىنەن قالدىرىپ، بالنيتساعا جاتىپ الدىن الا اقشا تاپسىرۋدى باسقارۋدى ارناعا ءتۇسىردى.

20 - عاسىردىڭ 80 - جىلدارىندا مەملەكەت بالنيتساعا جاتۋدا الدىن الا اقشا تاپسىرۋ ءتۇزىمى مەن  امبۋلاتوريادا الدىن الا اقشا تاپسىرۋ ءتۇزىمىن ارت - ارتىنان ورناتتى. كەزەكتە، ەلىمىزدىڭ نەگىزگى ەمدەلۋدى قامتاماسىزداندىرۋ ءتۇزىمى بىرتىندەپ كەمەلدەنىپ، ينفورماتسيا تەحنيكاسى ۇزدىكسىز دامىپ، الدىن الا اقشا تاپسىرۋدىڭ قاتىستى رولى بىرتىندەپ السىرەدى. «ۇقتىرۋدا» مىنالار تالاپ ەتىلدى: 2025 – جىلى 3 – ايدىڭ 31 - كۇنىنەن باستاپ  امبۋلاتوريادا الدىن الا تاپسىراتىن اقشا الۋ جاپپاي توقتاتىلادى. سونىمەن بىرگە، بالنيتساعا جاتۋدا الدىن الا تاپسىراتىن سوماسى تومەندەتىلىپ، ەمدەۋ قامسىزداندىرۋىنداعى ناۋقاستاردىڭ بالنيتساعا جاتىپ الدىن الا تاپسىرۋ سوماسى ۇقساس تۇردەگى جەكەلەردىڭ ءۇزى تولەيتىن ورتاشا ورەسىنە تومەندەتىلەدى، بۇل 2025 – جىلى 6 – ايدىڭ 30 - كۇنىنەن باستاپ اتقارىلادى.

بالنيتساعا جاتۋ قاراجاتىنىڭ ەسەبىن جابۋ ونىمدىلىگى جوعارىلاتىلادى. پرينسيپتىك جاقتان ەمدەۋ قۇرىلىمدارى ناۋقاس ادام شيپاحانادان شىققاننان كەيىنگى 3 قىزمەت كۇنى ىشىندە بالنيتساعا جاتۋ قاراجاتى ەسەبىن جابۋدى ورىنداپ، 24 ساعات ىشىندە ەسەپ جابۋدى بىرتىندەپ جۇزەگە اسىرادى. ”ءبىر بەكەتتىك ەسەپ جابۋ“، ”توسەك جانىندا ەسەپ جابۋ“، ”جەلىدە ەسەپ جابۋ“ قاتارلى حالىققا قولايلى شارالاردى اتقارۋ جونىندە ىزدەنىس جاسايدى.

قازىرگى ساياساتتا انىق بەلگىلەنگەن كەدەيلىكتەن قۇتىلعانداردىڭ ”الدىمەن ەمدەلىپ، ونان سوڭ اقى تولەۋ“ شاراسىن قاتاڭ اتقارۋ كەرەك. سونىمەن بىرگە، ەمدەۋ قۇرىلىمدارىن جەكەلەردىڭ سەنىمدىلىك جۇيەسىنە سۇيەنىپ، سەنىمدى ەمدەلۋ جونىندە ىزدەنىس جاساۋعا شابىتتاندىرۋ كەرەك.

ۇقتىرۋ ءار دارەجەلى، ءار ءتۇرلى ۇكىمەت باسقارۋىنداعى ەمدەۋ قۇرىلىمدارىنا، ەمدەۋ قامسىزداندىرۋىنداعى ءتۇيىندى ەمدەۋ قۇرىلىمدارىنا جانە ارميا ۇيىمداستىرعان ەمدەۋ، دەنساۋلىق ساقتاۋ قۇرىلىمدارىنا ۇيلەسەدى، ۇكىمەت قاراماعىنداعى ەمەس ەمدەۋ قۇرىلىمدارىنىڭ پايدالانىپ اتقارۋىنا بولادى.

كەلۋ قاينارى: حالىق تورابى