ۇكىمەت رەسمي جاريالادى! بۇل قارىز اقشانىڭ ءوسىمى كەشىرىم ەتىلەدى!

تاياۋدا قازىنا مينيسترلىگى، وقۋ – اعارتۋ مينيسترلىگى، جۇڭگو حالىق بانكەسى، فينانستى باقىلاپ – باسقارۋ باس مەكەمەسى «2025 – جىلعى مەملەكەتتىڭ وقۋ كومەك قارىزىنىڭ ءوسىمىن كەشىرىم ەتۋ جانە نەگىزگى سومانى كەشىكتىرىپ قايتارۋ قىزمەتىن ويداعىداي ىستەۋ جونىندەگى ۇقتىرۋدى» جاريالادى.

ۇقتىرۋدا مىنالار اتاپ كورسەتىلدى: حالىق تۇرمىسىن قامتاماسىزداندىرۋ جانە جاقسارتۋ تەبىنىن ارتتىرىپ، جوعارى مەكتەپ بىتىرگەن وقۋشىلاردىڭ كاسىپتەنۋىنە قىزمەت وتەۋ قىزمەتىن ويداعىداي ىستەۋگە قولداۋ كورسەتۋ ءۇشىن، مەملەكەتتىڭ وقۋ كومەك قارىز اقشاسىنىڭ ءوسىمىن كەشىرىم ەتۋ جانە نەگىزگى سومانى كەشىكتىرىپ قايتارۋ قىزمەتىن ويداعىداي ىستەۋ جونىندە مىناداي ۇقتىرۋ شىعاردىق:

ءبىرىنشى، 2025 – جىلى 1 – ايدىڭ 1 - كۇنىنەن باستاپ 2025 – جىلى جانە ودان بۇرىنعى جىلداردا وقۋ تاۋىسقان وقۋشىلاردىڭ 2025 – جىلدىڭ ىشىندە قايتارۋعا ءتيىستى مەملەكەتتىڭ وقۋ كومەك قارىز اقشاسىنىڭ ءوسىمى كەشىرىم ەتىلەدى، مەملەكەتتىڭ وقۋ كومەك قارىز اقشاسىنىڭ ءوسىمى ساياساتى بويىنشا كەشىرىم ەتىلەدى، كەشىرىم ەتىلگەن ءوسىمدى ورتالىق قازىنا مەن جەرگىلىكتى قازىنا جەكە – جەكە ۇستىنە الادى.

ەكىنشى، 2025 - جىلى جانە ودان بۇرىنعى جىلداردا وقۋ تاۋىسقان قارىز اقشا العان وقۋشىلاردىڭ 2025 - جىلى قايتارۋعا ءتيىستى مەملەكەتتىڭ وقۋعا كومەك قارىز اقشاسىنىڭ نەگىزگى سوماسىن قارىز اقشا العان وقۋشىلاردىڭ دەربەس ءوتىنىش ەتۋى ارقىلى ءبىر جىل كەشىكتىرىپ قايتارۋىنا بولادى، قاتىستى بەلگىلەمەلەر بويىنشا، قارىز اقشانىڭ مەرزىم شەگى ەڭ ۇزاق بولعاندا 22 جىلدان اسپايدى، كەشىكتىرىلگەن قارىز اقشانىڭ ايىپ ءوسىمى مەن ۇستەمە ءوسىمى ەسەپتەلمەيدى، حاۋىپ - قاتەردى تۇرگە ايىرۋدا ۋاقىتشا تومەندەتىلمەيدى.

ءۇشىنشى، مەملەكەت وقۋ كومەك قارىز اقشاسىن ءبىتىرۋشى بانكە رەتتەلگەننەن كەيىنگى قارىز اقشا ورنالاستىرۋى بويىنشا سەنىمدىلىك الۋ حابارىن جولداۋى، جولدانعاندارىن رەتتەۋى كەرەك.

بۇل ۇقتىرۋدا بەلگىلەنبەگەن ىستەر قازىر اتقارىلىپ وتىرعان قاتىستى ساياساتتار بويىنشا اتقارىلادى.

كەلۋ قاينارى: حالىق تورابى