ەل ىشىندەگى اۋە لەنيالارىنىڭ جانار ماي قوسىمشا قاراجاتى تومەندەتىلەدى

4 – ايدىڭ 5 – كۇنىنەن كەيىن ۇشاق بەلەتى ءتىپتى دە ارزان بولادى

ءتىلشىنىڭ كوپتەگەن اۆياتسيا سەرىكتىكتەرىنەن ۇعىسۋىنشا، 4 – ايدىڭ 5 - كۇنىنەن باستاپ ەل ىشىندەگى اۋە لەنيالارىنىڭ جانار ماي قوسىمشا قاراجاتى تومەندەتىلەدى. رەتتەلگەننەن كەيىن، ەرەسەك جولاۋشىلاردىڭ ەل ىشىندەگى اۋە لەنيالارىنداعى جانار ماي قوسىمشا اقى الۋ ولشەمى 800 كيلومەتردەن جوعارى اۆياتسيا بولەكتەرىندە ءاربىر جولاۋشىدان 20 يۋان؛ 800 كيلومەتردەن تومەن اۆياتسيا بولەكتەرىندە ءاربىر جولاۋشىدان 10 يۋان الىنادى.

بەلگىلەمە بويىنشا ەل ىشىندەگى حالىقتىق اۆياتسياداعى ەرەسەكتەردىڭ ادەتتەگى بەلەت باعاسىنىڭ %50 ى بويىنشا بەلەت ساتىپ العان بالالاردان (ەرەسەكتەر سەرىك بولماعان بالالاردى قامتيدى)، توڭكەرىستىك مۇگەدەك اسكەريلەردەن جانە ۇكىمەت قىزمەتى سەبەبىنەن مۇگەدەك بولعان حالىق ساقشىلارىنان جولاۋشى تاسىمالىنداعى جانار ماي قوسىمشا قاراجاتىنىڭ ولشەمى 800 كيلومەتردەن جوعارى اۆياتسيا بولەكتەرىندە ءاربىر جولاۋشىدان 10 يۋان، 800 كيلومەتردەن تومەن اۆياتسيا بولەكتەرىندە ءاربىر جولاۋشىدان 0 يۋان حالىق اقشاسى الىنادى.

قازىر ۇشاق بەلەتىنە زاكاز بەرۋ ەڭ جوعارى شەككە ءالى كىرە قويعان جوق، جولاۋشىلار 4 – ايدىڭ 5 – كۇنىنەن كەيىن الدىن الا زاكاز بەرەدى، جانار ماي قوسىمشا قاراجاتى تومەندەپ، دەمالىس كەزىندەگى ساياحاتتىڭ وزىندىك قۇنى ازايادى.

كەلۋ قاينارى: حالىق تورابى