حان جىڭ نيدەرلاندتىڭ پاتشالىق فيليپ سەرىكتەستىگىنىڭ باس اتقارۋشى ءمانساپتىسى جابوريەمەن كەزدەستى

شينحۋا اگەنتتىگى، 4 ـ ايدىڭ 1 ـ كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 4 ـ ايدىڭ 1 ـ كۇنى بەيجيڭدە نيدەرلاندتىڭ پاتشالىق فيليپ سەرىكتەستىگىنىڭ باس اتقارۋشى ءمانساپتىسى جابوريەمەن كەزدەستى.

حان جىڭ مىنالاردى ءبىلدىردى: قازىر حالىقارالىق دامۋ ورتاسىندا كۇردەلى دە تەرەڭ وزگەرىستەر تۋىلۋدا، تۇراقسىزدىق پەن ورنىقسىزدىق كوبەيۋدە. جۇڭگو مەن گوللانديا ەكەۋى دە − اشىق ەكونوميكالىق تۇلعالار، ەكونوميكانىڭ جاھاندانۋىن دارىپتەۋشى، ىلگەرىلەتۋشى، يگىلىگىن كورۋشى. جۇڭگو اشىق دۇنيە ءجۇزى ەكونوميكاسىن قۇرۋعا باستان ـ اياق كۇش سالىپ، جوعارى دەڭگەيدە ەسىك اشۋ ارقىلى جۇڭگو ـ گوللانديا، جۇڭگو ـ ەۆروپا ەكونوميكا ـ ساۋدا سەلبەستىگىن ىلگەرىلەتۋگە تاباندى بولىپ، ەل ارالىق سەرىكتەستىكتەر ءۇشىن جاڭا دامۋ ورايىن جاراتادى. فيليپ سەرىكتەستىگىنىڭ جۇڭگوعا ۇزدىكسىز تەرەڭ تامىر تارتىپ، جۇڭگوداعى زەرتتەۋ ـ اشۋ ۇسىنىلىمىن كەڭەيتىپ، جۇڭگو ـ ەۆروپا ەكونوميكا ـ ساۋدا سەلبەستىگىنىڭ اقاۋسىز دامۋىن جەبەۋدە بەلسەندى رول اتقارۋىن قارسى الامىز.

جابوريە مىنانى ءبىلدىردى: ءتوراعا شي جينپيڭنىڭ وتكەن اپتادا حالىقارالىق ونەركاسىپ ـ ساۋدا سالاسىنىڭ ۋاكىلدەرىمەن كەزدەسكەندە سويلەگەن ماڭىزدى ءسوزى ادامدى ايرىقشا شابىتتاندىرادى، فيليپ سەرىكتەستىگى جۇڭگو ەكونوميكاسىنىڭ دامۋ بولاشاعى مەن بازار ورايىن ۇناتىپ وتىر، جۇڭگودا ۇزاق ۋاقىت دامۋ ستراتەگياسىنا ۇزدىكسىز تاباندى بولىپ، نيدەرلاند پەن جۇڭگونىڭ اۋىس ـ كۇيىسىن، سەلبەستىگىن جەبەيدى.