اۋىل شارۋاشىلىعى جانە اۋىل – قىستاق مينيسترلىگى 2025 – جىلعى ”جاسىل سەمسەرمەن استىق حاۋىپسىزدىگىن قورعاۋ“ زاڭ اتقارۋ ارەكەتىن ورنالاستىردى

اۋىل شارۋاشىلىعى بويىنشا زاڭ اتقارۋدىڭ اۋىل شارۋاشىلىعى، اۋىل - قىستاق، شارۋالار وزەكتى قىزمەتىنە قىزمەت وتەۋ، قامتاماسىز ەتۋ رولىن تولىق ساۋلەلەندىرىپ، مەملەكەتتىڭ استىق حاۋىپسىزدىگىنىڭ نەگىزىن بەكەمدەۋ ءۇشىن، تاياۋدا اۋىل شارۋاشىلىعى جانە اۋىل - قىستاق مينيسترلىگى «اۋىل شارۋاشىلىعى جانە اۋىل - قىستاق مينيسترلىگىنىڭ 2025 - جىلعى ”جاسىل سەمسەرمەن استىق حاۋىپسىزدىگىن قورعاۋ“ زاڭ اتقارۋ ارەكەتىن ورىستەتۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتىپ، ”جاسىل سەمسەرمەن استىق حاۋىپسىزدىگىن قورعاۋ“ زاڭ اتقارۋ ارەكەتىن ورىستەتۋدى ورنالاستىردى.

«ۇقتىرۋدا» مىنالار دارىپتەلدى: جەر – جەر اۋىل شارۋاشىلىق ءوندىرىس قۇرال – جابدىقتارىنىڭ ساپاسى، اۋىل شارۋاشىلىق ونىمدەرىنىڭ ساپا حاۋىپسىزدىگى، حايۋاناتتار مەن وسىمدىكتەردى كارەنتيندەۋ، مال، قۇس سويۋ قاتارلى ءتۇيىندى سالالارعا نازار اۋدارىپ، جالعان، جارامسىز اۋىل شارۋاشىلىق ءوندىرىس قۇرال – جابدىقتارىن جاساۋ، ساتۋ، تۇقىمعا باسقا ماركا شاپتاپ ۇقىققا قول سۇعۋ، شەكتەلگەن ءدارى – دارمەكتەردى زاڭعا قايشى پايدالانۋ قاتارلى اۋىل شارۋاشىلىعىنا زيان جەتكىزۋ، استىق حاۋىپسىزدىگىنە زيان جەتكىزۋ جانە اۋىل شارۋاشىلىق ونىمدەرىنىڭ ساپا حاۋىپسىزدىگىنە زيان جەتكىزۋ سىندى زاڭعا قايشى ارەكەتتەرگە قاتاڭ سوققى بەرىپ، استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىزداندىرىپ، شارۋالار بۇقاراسىنىڭ زاڭدى ۇقىق ـ مۇددەسىن قورعاپ، حالىق بۇقاراسىنىڭ ىشەر اس حاۋىپسىزدىگىن قورعاۋ كەرەك.

«ۇقتىرۋدا» مىنالار تالاپ ەتىلدى: جەر – جەر ءىس جۇزىندىك جاعدايمەن ۇشتاستىرا وتىرىپ مىندەتتەردى اشالاپ، جاۋاپكەرشىلىكتى ناقتىلاندىرىپ، تاراۋلار ارا، وڭىرلەر ارا زاڭ اتقارۋ سەلبەستىگىن كۇشەيتىپ، ينفورماتسيادان ورتاق يگىلىكتەنۋ، دەرەكتەردى حابارلاندىرۋ، بىرلەسىپ ارەكەتتەنىپ ءۇن قوسۋ قاتارلى مەحانيزمدەردى كەمەلدەندىرىپ، ”ءبىر جەردەن بايقالسا كوپ جەردە بىرلەسىپ تەكسەرۋ، تەگىن تەكتەپ تەكسەرىپ ءبىر جاقتى ەتۋدى“ جۇزەگە اسىرۋ كەرەك. ”حالىق ءۇشىن زاڭ اتقارۋ، اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋ“ ۇستانىمىنا تاباندى بولىپ، اكىمشىلىك جازا بەلگىلەۋ ۇقىعىنىڭ نەگىزدىك ولشەمى ءتۇزىمىن ىشكەرىلەي تياناقتاندىرىپ، اۋىل شارۋاشىلىعى سالاسىنداعى كاسىپورىندارعا ساياتىن اكىمشىلىك تەكسەرۋدى قاتاڭ ارناعا ءتۇسىرىپ، زاڭ اتقارۋ ءتاسىلىن ۇزدىكسىز ساپالىلاندىرىپ، اۋىل شارۋاشىلىعى بويىنشا زاڭ اتقارۋدىڭ سەرپىنى دە، جىلۋى دا بولۋىنا مۇمكىندىك جاساۋ كەرەك.

كەلەسى قادامدا اۋىل شارۋاشىلىعى جانە اۋىل ـ قىستاق مينيسترلىگى ءتۇيىندى سالالارداعى زاڭعا قايشى دەلولاردى تەكسەرىپ ءبىر جاقتى ەتۋ، قيىن دەلولارعا زاڭ قولدانۋ قاتارلى جاعدايلارعا باعىتتاي وتىرىپ، جەرگىلىكتى ورىندارعا جەتەكشىلىك ەتۋدى كۇشەيتىپ، شارپيتىن ءوڭىرى كەڭ، قوعامدىق نازار اۋدارۋ دارەجەسى جوعارى، دەلو جاعدايى كۇردەلى دەلولاردى ماڭدايشالىق اسىپ قۋزاپ، ارەكەتتىڭ تياناقتانىپ، ءونىم بەرۋىنە كەپىلدىك ەتەدى.

كەلۋ قاينارى: حالىق تورابى