شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، چاڭجياڭ وزەنىنىڭ ەكولوگيالىق ورتاسىن قورعاۋ دەموكراتيالىق باقىلاۋ قىزمەتىن تەرەڭدەتۋ، ناقتىلاندىرۋ كەرەك

«حالىق گازەتى»، 4 - ايدىڭ 2 - كۇنى، بەيجيڭ. دەموكراتيالىق پارتيا - توپتاردىڭ ورتالىق كوميتەتتەرىنىڭ، پارتيادا، توپتا جوق قايراتكەرلەردىڭ چاڭجياڭ وزەنىنىڭ ەكولوگيالىق ورتاسىن قورعاۋ دەموكراتيالىق باقىلاۋ قىزمەتى اڭگىمە ءماجىلىسى 4 - ايدىڭ 2 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋ جونىندەگى ماڭىزدى بايىمداۋىن دايەكتىلەندىرىپ، تياناقتاندىرىپ، ساياسي جاۋاپكەرشىلىكتى كۇشەيتىپ، بورىشتى، جاۋاپكەرشىلىكتى كۇشەيتىپ، ەلىمىزدىڭ جاڭاشا ساياسي پارتيا ءتۇزىمىنىڭ ابزالدىعىن تولىق ساۋلەلەندىرىپ، چاڭجياڭ وزەنىنىڭ ەكولوگيالىق ورتاسىن قورعاۋ دەموكراتيالىق باقىلاۋ قىزمەتىنىڭ تەرەڭدەۋىن، ناقتىلانۋىن ىلگەرىلەتۋ.

ۋاڭ حۋنيڭ مىنالاردى ءبىلدىردى: وتكەن ءبىر جىلدا ءارقايسى دەموكراتيالىق پارتيا - توپتاردىڭ ورتالىق كوميتەتتەرى، پارتيادا، توپتا جوق قايراتكەرلەر مەملەكەتتىڭ قاتىستى تاراۋلارىمەن، باعىتتامالى كومەكتەسۋشى ولكە، قالالاردىڭ پارتكومدارىمەن جانە ۇكىمەتتەرىمەن بىرگە جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، چاڭجياڭ وزەنىنىڭ ەكولوگيالىق ورتاسىن قورعاۋ دەموكراتيالىق باقىلاۋ قىزمەتىندە تىڭ ىلگەرىلەۋشىلىككە، تىڭ ونىمدىلىككە قول جەتكىزدى. بيىل ”14 - بەسجىلدىق“ جوبا اياقتالادى، چاڭجياڭ وزەنىنىڭ ەكولوگيالىق ورتاسىن قورعاۋدىڭ ءتۇرلى مىندەتتەرىن جوعارى ساپامەن ورىنداۋ كەرەك.

ۋاڭ حۋنيڭ مىنالاردى ءبىلدىردى: دەموكراتيالىق باقىلاۋدىڭ ساياسي بەتالىسى مەن سيپاتىن، ورنىن يگەرىپ، دەموكراتيالىق باقىلاۋدى كۇشەيتۋ جاعىندا ساياسي ورتاق تانىمدى ونان ارى تەرەڭدەتىپ، كەڭەسۋ ۇلگىسىندەگى باقىلاۋدىڭ ەرەكشەلىگىن ساۋلەلەندىرىپ، ناقتى، جارامدى پىكىرلەر مەن ۇسىنىستاردى العا قويۋ كەرەك. ءتۇيىندى مىندەتتەرگە كۇش سالۋ جاعىندا ماسەلەنى نىشان ەتۋدى اناعۇرلىم كۇشەيتىپ، كۇش پەن بايلىقتى ەڭ شەشۋشى، ەڭ شۇعىل، ەڭ كورنەكتى ماسەلەلەرگە شوعىرلاندىرىپ، دەموكراتيالىق باقىلاۋدىڭ دالدىگى مەن ونىمدىلىگىن جوعارىلاتۋ كەرەك. ارناۋلى باقىلاۋدىڭ امالياتتىق فورماسى جاعىندا ىشكەرىلەي ىزدەنىس جاساپ، جاڭالىق اشىپ، ارناۋلى باقىلاۋ قىزمەتىنىڭ ناقتى ونىمدىلىگىن جوعارىلاتۋ كەرەك. چاڭجياڭ وزەنىنىڭ ەكولوگيالىق ورتاسىن قورعاۋدىڭ دەموكراتيالىق باقىلاۋ ونىمدىلىگىن قورىتىندىلاپ، چاڭجياڭ وزەنىنىڭ ەكولوگيالىق ورتاسىن قورعاۋ حيكاياسىن جانە جاڭا داۋىردەگى كوپ پارتيا سەلبەستىگى حيكاياسىن ويداعىداي بايانداپ، جاڭا كەزەكتى ارناۋلى باقىلاۋ قىزمەتىن جوسپارلاپ، دەموكراتيالىق باقىلاۋ قىزمەتىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى لي گانجيە ءماجىلىستى باسقاردى.

جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، پارتيادا، توپتا جوق قايراتكەرلەردىڭ ۋاكىلى فان جيە لەبىز ءبىلدىردى.

مەملەكەتتىك دامۋ جانە رەفورما كوميتەتىنىڭ، ەكولوگيالىق ورتا مينيسترلىگىنىڭ نەگىزگى جاۋاپتى جولداستارى، شاڭحاي، انحۇي، حۋنان پارتكومدارىنىڭ بىرلىكساپ بولىمدەرىنىڭ جاۋاپتى جولداستارى لەبىز ءبىلدىردى. دەموكراتيالىق پارتيا - توپتاردىڭ ورتالىق كوميتەتتەرىندەگى قاتىستى جاۋاپتى جولداستار، ورتالىقتىڭ قاتىستى تاراۋلارىنداعى، قاتىستى ولكەلىك، اۆتونوميالى رايوندىق، توتە قاراستى قالالىق پارتكومدار مەن ۇكىمەتتەردەگى جاۋاپتى جولداستار ماجىلىسكە قاتىناستى.

كەلۋ قاينارى: حالىق تورابى