جوعارى مەكتەپ بىتىرگەن وقۋشىلار قاتارلى جاستار قاۋىمىن جۇمىستاندىرۋدى ەڭ ماڭىزدى ورىنعا قويىپ، جاستاردىڭ جۇمىستانۋ ورەسىنىڭ جالپى جاقتان ورنىقتى بولۋىنا كەپىلدىك ەتۋ كەرەك

شينحۋا اگەنتتىگى، 4 - ايدىڭ 2 - كۇنى، بەيجيڭ. جوعارى مەكتەپتەن وقۋ بىتىرگەن وقۋشىلار قاتارلى جاستاردىڭ جۇمىستانۋ، يگىلىك جاراتۋ قىزمەتى جونىندەگى مەملەكەتتىك بەينە ەكران ءماجىلىسى 4 - ايدىڭ 2 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى ءسوز سويلەدى.

ديڭ شۋەشياڭ بىلاي دەپ اتاپ كورسەتتى: جوعارى مەكتەپتەن وقۋ بىتىرگەن وقۋشىلار _ پارتيا مەن مەملەكەتتىڭ باعالى دارىندى بايلىعى، جوعارى مەكتەپتەن وقۋ بىتىرگەن وقۋشىلار قاتارلى جاستاردىڭ جۇمىستانۋ، يگىلىك جاراتۋ قىزمەتى سان مىڭداعان وتباسىنا سايادى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جوعارى مەكتەپتەن وقۋ بىتىرگەن وقۋشىلار قاتارلى جاستار قاۋىمىن جۇمىستاندىرۋدى ماڭىزدىنىڭ ماڭىزدىسى ەتۋگە تاباندى بولىپ، جاستاردىڭ جۇمىستانۋ ورەسىنىڭ جالپى تۇلعالىق ورنىقتىلىعىنا شىنايى كەپىلدىك ەتۋ كەرەك.

ديڭ شۋەشياڭ بىلاي دەپ باسا دارىپتەدى: ءتۇرلى ءادىس - امالمەن جۇمىستانۋ ورىندارىن كوبەيتىپ، جوعارى مەكتەپتەن وقۋ بىتىرگەن وقۋشىلاردىڭ جوعارى ساپالى، تولىق جۇمىستانۋىن بار كۇشپەن جەبەۋ كەرەك. ءتۇيىندى سالالارعا، ءتۇيىندى كاسىپتەرگە قاراي جۇمىس ورىندارىن كەڭەيتۋگە اناعۇرلىم ءمان بەرىپ، كاسىپ سالالارىنىڭ دامۋىن ىلگەرىلەتۋ بارىسىندا جۇمىستانۋدىڭ جاڭا ارتۋ تۇيىندەرىن اشۋ كەرەك. قالا، اۋىلداردىڭ نەگىزگى ساتىلارىندا قىزمەت ورنىن ورنىقتىرۋدى، ارتتىرۋدى ويداعىداي يگەرىپ، سايكەستى ساياساتتىق قامتاماسىزداندىرۋدى كۇشەيتىپ، جوعارى مەكتەپتەردەن وقۋ بىتىرگەن وقۋشىلاردىڭ تومەنگە تۇسە الۋىنا، تۇراقتاپ تۇرۋىنا، جاقسى ىستەۋىنە مۇمكىندىك جاساۋ كەرەك. ورتا، شاعىن، ۇساق كاسىپورىنداردىڭ دامۋىن بەلسەنە قولداپ، قىزمەت ورنىمەن قامداۋدى كەڭەيتىپ، كاسىپورىنداردىڭ جوعارى مەكتەپ بىتىرگەن وقۋشىلاردى قابىلداۋ بەلسەندىلىگى مەن ىرىقتىلىعىن تاسقىنداتۋ كەرەك. ساياساتتىڭ جالپىلىق اسەرىن اناعۇرلىم ويداعىداي ساۋلەلەندىرىپ، جۇمىستانۋدى جەبەۋ ساياساتتارىنىڭ شىعارىلۋعا تيىستىلەرىن تۇگەل شىعارۋ، مۇمكىندىگىنشە ەرتە ىستەپ، ساياساتتىق قىزمەت ورىندارىندا كولەمدى ورنىقتىرىپ، ەرتە امال قاراستىرۋ، كوپ امال قاراستىرۋ كەرەك. يگىلىك جاراتۋدا جەڭىلدىك بەرۋ ساياساتىن قولداۋ جانە تياناقتاندىرۋ تەبىنىن ارتتىرىپ، ستۋدەنتتەردىڭ جاڭالىق جاراتۋىن، يگىلىك جاراتۋىن جانە جۇمىستانۋىن جەبەۋ كەرەك.

ديڭ شۋەشياڭ مىنالاردى ءبىلدىردى: جۇمىستانۋعا جەتەكشىلىك ەتۋ، قىزمەت وتەۋ قىزمەتىن دەن قويا، سۇيىسپەنشىلىكپەن ويداعىداي ىستەپ، وقۋ بىتىرگەن وقۋشىلاردىڭ اناعۇرلىم جاقسى كاسىپ تاڭداۋىنا، اناعۇرلىم تەز جۇمىستانۋىنا كومەكتەسۋ كەرەك. يدەيالىق - ساياسي تاربيەنى كۇشەيتىپ، مەكتەپ بىتىرگەن وقۋشىلاردى مەملەكەتتىڭ دامۋ قاجەتى مەن جەكەنىڭ ءىس جۇزىندىگىن شىعار ءتۇيىن ەتىپ، كاسىپ پەن قىزمەت ورنىن اقىلعا سيىمدى، ناقتى تاڭداۋعا جەتەكتەۋ كەرەك. ”بىرگە ءبىر“ كومەكتەسۋ - سۇيەمەلدەۋ جاۋاپكەرشىلىگىن تياناقتاندىرىپ، كومەكتەسۋ - سۇيەمەلدەۋ ەسەپ داپتەرىن اقاۋسىزداندىرىپ، قيىنشىلىعى بار وقۋ بىتىرگەن وقۋشىلارعا الدىمەن قىزمەت وتەۋ كەرەك. جۇمىستانۋ قابىلەتىن جەتىلدىرۋدى كۇشەيتىپ، مەكتەپ بىتىرگەن وقۋشىلاردىڭ مەكتەپتەن قىزمەت ورنىنا ءساتتى وتۋىنە كومەكتەسۋ كەرەك.

ديڭ شۋەشياڭ مىنالاردى تالاپ ەتتى: جەر - جەر، تاراۋلار، جوعارى مەكتەپتەر ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن ناقتىلاندىرىپ، قۋزاۋ - تەكسەرۋدى جانە ساندى مالىمەت باقىلاۋ - ولشەۋىن كۇشەيتىپ، وقۋ بىتىرگەن وقۋشىلاردىڭ زاڭدى ۇقىق - مۇددەسىن قورعاپ، تاماشا قوعامدىق پىكىر ورتاسىن قالىپتاستىرىپ، جوعارى مەكتەپتەن وقۋ بىتىرگەن وقۋشىلاردى جۇمىستاندىرۋ سىندى مەملەكەت جوسپارىنا، حالىق تۇرمىسىنا ساياتىن ءىرى ءىستى بىرگە ويداعىداي ىستەۋى كەرەك.

مەملەكەتتىك كەڭەستىڭ مۇشەسى چىن ي - چين ماجىلىسكە قاتىناستى ءارى ءسوز سويلەدى. ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى، مينيسترلىكتەر مەن كوميتەتتەرگە توتە قاراستى جوعارى مەكتەپتەردەگى جاۋاپتى جولداستار نەگىزگى ءماجىلىس الاڭىندا ماجىلىسكە قاتىناستى. ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرىندەگى جانە شينجياڭ ءوندىرىس - قۇرىلىس بيڭتۋانىنداعى جاۋاپتى جولداستار، سونداي - اق قاتىستى تاراۋلارداعى، ورىندارداعى جاۋاپتى جولداستار بولىمشە ءماجىلىس الاڭىندا ماجىلىسكە قاتىناستى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، وقۋ - اعارتۋ مينيسترلىگىنىڭ، جىجياڭ ولكەلىك حالىق ۇكىمەتىنىڭ، حۋبەي ولكەلىك حالىق ۇكىمەتىنىڭ جانە شاندۇڭ داشۋەسىنىڭ نەگىزگى جاۋاپتى جولداستارى، سونداي - اق جوعارى مەكتەپتەن وقۋ بىتىرگەن وقۋشىلاردىڭ ۋاكىلدەرى ماجىلىستە لەبىز ءبىلدىردى.

كەلۋ قاينارى: حالىق تورابى