حان جىڭ انگليا حۇيفىڭ توبىنىڭ ءتوراعاسى مارك تاكەرمەن كەزدەستى

شينحۋا اگەنتتىگى، 4 - ايدىڭ 2 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 4 - ايدىڭ 2 - كۇنى بەيجيڭدە انگليا حۇيفىڭ توبىنىڭ ءتوراعاسى مارك تاكەرمەن كەزدەستى.

حان جىڭ مىنالاردى ءبىلدىردى: ءتوراعا شي جينپيڭ وتكەن اپتادا حۇيفىڭدى قامتىعان حالىقارالىق ونەركاسىپ - ساۋدا سالاسىنىڭ ۋاكىلدەرىمەن كەزدەسىپ، جۇڭگوداعى شەتەل قارجىلاندىرعان كاسىپورىنداردىڭ جۇڭگونىڭ رەفورما جاساپ، ەسىك اشۋ جانە جاڭالىق اشۋ، جاسامپازدىق جاراتۋ ءۇشىن قوسقان بەلسەندى ۇلەسىن ايرىقشا تۇراقتاندىرىپ، جۇڭگونىڭ اشىق ەسىگىنىڭ بارعان سايىن ايقارا اشىلاتىندىعىن باسا دارىپتەدى. بۇگىنگى دۇنيە ءجۇزى تۇراقسىزدىققا تولى، جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن ىلگەرىلەتىپ، كوپ جاقتىلىقتى باتىل قولدايدى. جۇڭگو - انگليا قارىم - قاتىناسىنىڭ اقاۋسىز، ورنىقتى دامۋىن ساقتاۋ ەكى جاققا ءتيىمدى بولىپ قالماستان، دۇنيە جۇزىنە دە تۇراقتىلىق قوسادى. حۇيفىڭ توبىنىڭ جۇڭگوعا ۇزدىكسىز تەرەڭ تامىر تارتىپ، جۇڭگو - انگليا، جۇڭگو - ەۆروپا قارىم - قاتىناسىنىڭ دامۋىن جەبەۋگە ۇلەس قوسۋىن ءۇمىت ەتەمىن.

مارك تاكەر مىنانى ءبىلدىردى: ءتوراعا شي جينپيڭ حالىقارالىق ونەركاسىپ - ساۋدا سالاسىنىڭ ۋاكىلدەرىمەن كەزدەسىپ، جۇڭگو جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتەدى دەيتىن ماڭىزدى، بەلسەندى، سىندارلى ينفورماتسيانى جاريالادى، حالىقارالىق ونەركاسىپ - ساۋدا سالاسى بۇدان ەرەكشە شابىت الدى. حۇيفىڭ توبى جۇڭگو ەكونوميكاسىنىڭ دامۋ بولاشاعىنا نىق سەنىم ارتادى، انلگيا - جۇڭگو قارىم - قاتىناسىنىڭ ۇزاق ۋاقىت ورنىقتى دامۋىن بەلسەنە ىلگەرىلەتۋدى قالايدى.

كەلۋ قاينارى: حالىق تورابى