التى تاراۋ بىرلەسىپ سوققى بەرەدى! ازىق – تۇلىك قوسپاسىن الباتى پايدالانۋ ماسەلەسىن جان  -جاقتى جونگە سالادى 

جۋىردا مەملەكەتتىك كەڭەستىڭ ازىق – تۇلىك حاۋىپسىزدىگى كوميتەتىنىڭ كەڭسەسى ونەركاسىپ جانە ينفورماتسيالاندىرۋ مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى، كەدەن باس باسقارماسى، بازاردى باقىلاۋ – باسقارۋ باس مەڭگەرمەسىمەن بىرگە «ازىق – تۇلىك قوسپاسىن الباتى پايدالانۋ ماسەلەسىن جان – جاقتى جونگە سالۋ جوباسىن» (تومەندە قىسقارتىلىپ «جوبا» دەپ اتالادى) باسىپ تاراتىپ، بۇكىل ەلىمىز كولەمىندە ازىق – تۇلىك قوسپاسىن الباتى پايدالانۋ ماسەلەسىن جان – جاقتى جونگە سالۋ ارەكەتىن ورىستەتۋ جونىندە ورنالاستىرۋ جاساعان.

«جوبادا» حالىق جۇرتشىلىعى كوڭىل ءبولىپ وتىرعان ازىق – تۇلىك قوسپاسىن كولەمنەن ارتىق، مولشەردەن ارتىق الباتى پايدالانۋ قاتارلى ماسەلەلەرگە نازاردى شوعىرلاندىرا وتىرىپ، ازىقتىق اۋىل شارۋاشىلىعى ونىمدەرىن ءوندىرۋ، ازىق – تۇلىك جانە ازىق – تۇلىك قوسپاسىن يمپورت ەتۋ – كارانتيندەۋ قاتارلى جاقتاردا قاينارىنان باستاپ جونگە سالۋدى جاپپاي كۇشەيتۋ؛ ازىق – تۇلىك قوسپاسىن ءوندىرۋ، ساتۋ جانە ازىق – تۇلىك ءوندىرۋ – مانەرلەۋ، اس – سۋ سالاسىندا قىزمەت وتەۋ قاتارلى تۇيىندەردە پايدالانۋعا باقىلاۋ – باسقارۋ جۇرگىزۋدى كۇشەيتۋ؛ حيميالىق ونەركاسىپ ونىمدەرىن ازىق – تۇلىك قوسپاسىنىڭ ورنىنا قولدانۋ سىندى زاڭعا قايشى ارەكەتتەرگە قاتاڭ سوققى بەرۋ؛ ازىق – تۇلىك قوسپاسىن الباتى پايدالانۋ ماسەلەسىن ەگىس اتىزىنان داستارقانعا دەيىنگى بارلىق بارىس بويىنشا جان – جاقتى جونگە سالۋدى ورىستەتۋ تالاپ ەتىلگەن.

كەلۋ قاينارى: حالىق تورابى