شي جينپيڭ ەۆروپا القالار كەڭەسىنىڭ ءتوراعاسى كوستامەن، ەۆروپا وداعى كوميتەتىنىڭ ءتوراعاسى ۆوندەرلەيەنمەن جۇڭگو مەن ەۆروپانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 5 - ايدىڭ 6 - كۇنى، بەيجيڭ. 5 - ايدىڭ 6 - كۇنى مەملەكەت ءتوراعاسى شي جينپيڭ ەۆروپا القالار كەڭەسىنىڭ ءتوراعاسى كوستامەن، ەۆروپا وداعى كوميتەتىنىڭ ءتوراعاسى ۆوندەرلەيەنمەن ءوزارا قۇتتىقتاۋ تەلەگرامماسىن جولداپ، جۇڭگو مەن ەۆروپا وداعىنىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قىزۋ قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ەۆروپا وداعى − جان - جاقتى ستراتەگيالىق سەرىكتەر، سونداي - اق كوپ ۇيەكتەنۋدى ىلگەرىلەتەتىن ەكى ۇلكەن كۇش، جاھاندانۋدى قولدايتىن ەكى ۇلكەن بازار، كوپ تۇرلىلىكتى دارىپتەيتىن ەكى ۇلكەن وركەنيەت. ديپلوماتيالىق قارىم - قاتىناس ورناتقان 50 جىلدان بەرى ەكى جاقتىڭ ءار جىكتەگىلەرىنىڭ، ءار سالاسىنىڭ بارىس - كەلىسى جيىلەپ، تىلدەسۋى مەن سەلبەستىگىنىڭ تابىسى مول، گۋمانيتارلىق اۋىس - كۇيىسى جاندى دا جالىندى، كوپ جاقتى سايكەستىگى كورنەكتى بولدى. جۇڭگو - ەۆروپا قارىم - قاتىناسى دۇنيە جۇزىندەگى ەڭ ىقپالدى ەكى جاقتى قارىم - قاتىناستاردىڭ بىرىنە اينالىپ، جۇڭگو - ەۆروپا حالىقتارىنىڭ ىرىس - قۇتىن ارتتىرۋعا، دۇنيە ءجۇزىنىڭ بەيبىتشىلىگى مەن دامۋىن جەبەۋگە ماڭىزدى ۇلەس قوستى.

شي جينپيڭ بىلاي دەپ باسا دارىپتەدى: قازىر دۇنيە جۇزىندە 100 جىلدىق وزگەرىس جەدەل قۇبىلىپ، ادامزات قوعامى تاعى دا شەشۋشى جول ايىرىعىنا كەلدى. اقاۋسىز، ورنىقتى جۇڭگو - ەۆروپا قارىم - قاتىناسى ءبىر - ءبىرىن تابىسقا جەتكىزۋمەن بىرگە، دۇنيە ءجۇزىن نۇرلاندىردى. مەن جۇڭگو - ەۆروپا قارىم - قاتىناسىنىڭ دامۋىنا ايرىقشا ءمان بەرەمىن، كوستا توراعامەن جانە ۆوندەرلەيەن توراعامەن بىرگە قۇلشىنىپ، ديپلوماتيالىق قارىم - قاتىناس ورناتۋدىڭ 50 جىلدىعىن وراي ەتىپ، جۇڭگو - ەۆروپا قارىم - قاتىناسىنىڭ دامۋ تاجىريبەلەرىن قورىتىندىلاپ، ستراتەگيالىق بايلانىستى تەرەڭدەتىپ، تۇسىنىستىكتى، ءوزارا سەنىمدىلىكتى ارتتىرىپ، سەرىكتەستىك ورنىن بەكەمدەپ، ءوزارا ەسىك اشۋدى كەڭەيتىپ، قاقتىعىستار مەن الاۋىزدىقتاردى ۇيلەسىمدى ءبىر جاقتى ەتىپ، جۇڭگو - ەۆروپا قارىم - قاتىناسىنىڭ اناعۇرلىم كوركەم بولاشاعىن اشۋدى قالايمىن. جۇڭگو، ەۆروپا ەكى جاق كوپ جاقتىلىققا تاباندى بولىپ، ادىلدىكتى، تۋراشىلدىقتى قورعاپ، سىڭار جاقتى زورەكەرلىككە قارسى تۇرىپ، دۇنيە جۇزىلىك سىن - سايىسقا قول ۇستاسا توتەپ بەرىپ، تەرەزەسى تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن جانە جالپىعا ءتيىمدى، سيىسىمدى ەكونوميكانىڭ جاھاندانۋىن بىرگە ىلگەرىلەتىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە اناعۇرلىم زور ۇلەس قوسۋى كەرەك.

ەۆروپا وداعىنىڭ باسشىلارى مىنالاردى ءبىلدىردى: وتكەن 50 جىلدا جۇڭگو تاريحتاعى ەڭ تەز باياندى ەكونوميكالىق ارتۋدى جۇزەگە اسىردى. ەۆروپا وداعى مەن جۇڭگو كەڭ كولەمدى بايلانىس ورناتىپ، ءبىر - ءبىرىنىڭ ەڭ ماڭىزدى ساۋدا سەرىگىنە اينالىپ، ەكى جاق حالقىنىڭ باقىتى مەن ەكونوميكاسىنىڭ دامۋىنا، گۇلدەنۋىنە ۇلەس قوستى. قازىرگى دۇنيە ءجۇزىنىڭ تۇراقسىزدىعى جانە وڭىرلىك ساياسيدىڭ وزگەرىسى جاعدايىندا، ەۆروپا وداعى جۇڭگومەن سەرىكتەستىك قارىم - قاتىناستى تەرەڭدەتىپ، بارىس - كەلىستى، سەلبەستىكتى كۇشەيتىپ، بىرلەسكەن مەملەكەتتەر ۇيىمى ۋستاۆىنىڭ باستى ماقساتىن، پرينسيبىن قورعاپ، ورتاق سىن - سايىسقا قول ۇستاسا توتەپ بەرىپ، دۇنيە ءجۇزىنىڭ بەيبىتشىلىگىن، حاۋىپسىزدىگىن، گۇلدەنۋىن جانە باياندى دامۋىن جەبەۋدى قالايدى.

سول كۇنى مەملەكەتتىك كەڭەستىڭ زۇڭليى لي چياڭ كوستامەن، ۆوندەرلەيەنمەن ءوزارا قۇتتىقتاۋ تەلەگرامماسىن جولدادى. لي چياڭ مىنانى ءبىلدىردى: جۇڭگو جاق ەۆروپا جاقپەن بىرگە جان - جاقتى ستراتەگيالىق سەرىكتەستىك قارىم - قاتىناستىڭ ورنىن تۇراقتاندىرۋعا تاباندى بولىپ، جۇڭگو - ەۆروپا قارىم - قاتىناسىنىڭ ورنىقتىلىق، سىندارلىق، ءوزارا تيىمدىلىك، دۇنيە جۇزىلىك سيپاتىن ونان ارى جوعارىلاتىپ، دۇنيە جۇزىنە اناعۇرلىم كوپ ورنىقتىلىق پەن وڭ ەنەرگيا ۇستەۋدى قالايدى.

ەۆروپا وداعىنىڭ باسشىلارى مىنانى ءبىلدىردى: وتكەن 50 جىلدا ەۆروپا - جۇڭگو قارىم - قاتىناسى ۇزدىكسىز تەرەڭدەدى. ەۆروپا وداعى جۇڭگومەن بىرگە كليمات وزگەرىسى سياقتى دۇنيە جۇزىلىك سىن - سايىسقا بىرگە توتەپ بەرىپ، كوپ جاقتىلىقتى جانە ورنىقتى حالىقارالىق ءتارتىپتى قورعاۋدى قالايدى.

كەلۋ قاينارى: حالىق تورابى