مادەنيەت جانە ساياحات مينيسترلىگى: كورىنىس وڭىرلەرىنىڭ اسپالى جولى، ساياحات قايىعى قاتارلى قۇرىلعى ـ جابدىقتارىنىڭ حاۋىپسىزدىك كومەسكى قاتەرىن تەكسەرۋ كۇشەيتىلەدى

مادەنيەت جانە ساياحات مينيسترلىگى 5 – ايدىڭ 4 - كۇنى كەشتە ۇقتىرۋ باسىپ تاراتىپ، جەر – جەردەن مادەنيەت جانە ساياحات ءوندىرىس حاۋىپسىزدىگى قىزمەتىن اناعۇرلىم كۇشەيتۋدى تالاپ ەتتى. ۇقتىرۋدا مىنالار تالاپ ەتىلدى: جەر – جەر ساياحات كورىنىس وڭىرلەرىنىڭ اسپالى جولى، ويىن – ساۋىق قۇرىلعىلارى، ارناۋلى موتورلى كولىكتەرى، ساياحات قايىعى قاتارلى قۇرىلعى – جابدىقتارىنىڭ حاۋىپسىزدىك كومەسكى قاتەرىن تەكسەرىپ جونگە سالۋدى كۇشەيتىپ، ساياحات سەرىكتىگىنىڭ ساياحات اۆتوكولىگىن كوتەرمەگە الۋ قاتارلى ءتۇرلى باسقارۋ بەلگىلەمەلەرىن جاپپاي تياناقتاندىرۋىن قاتاڭ تالاپ ەتتى. ادامدار شوعىرلانعان ورىنداردىڭ ءورت ءسوندىرۋ جانە ورتتەن ساقتانۋ حاۋىپسىزدىگىن باسقارۋدى كۇشەيتىپ، بەلگىلەمەگە قايشى ەلەكتردەن پايدالانۋ، جابىق، حاۋىپسىز كىرىپ - شىعۋ ەسىگى قاتارلى ارەكەتتەردى ءتۇيىندى تۇردە تەكسەرىپ، ساياحات كورىنىس رايوندارىن ورتتەن ساقتانۋ حاۋىپسىزدىگى ەسكەرتۋىن كۇشەيتۋگە قۋزاپ، دالادا وت ىستەتۋدى قاتاڭ تىزگىندەۋدى تالاپ ەتتى.

ەرەكشە اۋا رايىنان ساقتانۋدى جانە وعان توتەپ بەرۋدى كۇشەيتىپ، اۋا رايى جاعدايىنا قاداعالاي نازار اۋدارىپ، ساقتاندىرۋ ينفورماتسياسىن دەر كەزىندە جاريالاپ، توسىن وقيعالارعا شۇعىل توتەپ بەرۋ جوباسى مەن ءبىر جاقتى ەتۋ قىزمەتىن ويداعىداي ىستەۋ، قاجەت بولعاندا قۇرىلعى ـ جابدىقتاردىڭ اينالىمىن باتىل توقتاتۋ، ساياحات كورىنىس رايوندارىن جابۋ كەرەك.

كەزەكشىلىكتى كۇشەيتىپ، ينفورماتسيانىڭ ىركىلىسسىزدىگىنە كەپىلدىك ەتىپ، ءتۇيىندى وڭىرلەردىڭ، ورىنداردىڭ حاۋىپسىزدىك ەسكەرتۋىن كۇشەيتىپ، ساياحاتشىلارعا حاۋىپ ـ قاتەرى جوعارى نىساندارعا ابايلاپ قاتىناسۋدى ەسكەرتىپ، اشىلماعان، حاۋىپسىزدىك كەپىلدىگى كەمشىل وڭىرلەرگە بارىپ ساياحاتتاۋدان ساقتانۋ كەرەك.

كەلۋ قاينارى: حالىق تورابى