ءبىر ميلليارد 400 ميلليون يۋان اۋىل شارۋاشىلىق اپاتتان قۇتقارۋ قارجىسى جەر – جەردەگى ەگىس داقىلدارىنىڭ اۋىر دەرت - دەربەزىنەن ساقتانۋعا جانە ونى تىزگىندەۋگە جۇمسالدى

جەر ـ جەردىڭ ەگىس داقىلدارىنىڭ دەرت ـ دەربەزىنەن ساقتانۋ جانە ونى تىزگىندەۋ قىزمەتىن ويداعىداي ىستەۋىن قولداۋ ءۇشىن، قازىنا مينيسترلىگى اۋىل شارۋاشىلىعى جانە اۋىل ـ قىستاق مينيسترلىگىمەن بىرگە تاياۋدا ورتالىق قازىنانىڭ اۋىل شارۋاشىلىق ءوندىرىسىنىڭ اپاتتان ساقتانۋ، اپاتتان قۇتقارۋ قارجىسىنان ءبىر ميلليارد 400 ميلليون يۋان ءتۇسىرىپ، حيلۇڭجياڭ، جياڭسۋ، انحۇي، حىنان سياقتى 30 ولكەنىڭ جانە بەيداحۋاڭ تىڭ يگەرۋ توبىنىڭ ەگىس داقىلدارىنىڭ دەرت ـ دەربەزىنەن ساقتانۋ جانە ونى تىزگىندەۋ قاتارلى قاتىستى قىزمەتتەردى ورىستەتۋىنە قولداۋ كورسەتتى. ورتالىق قازىناسى ورىنداردىڭ اۋىل شارۋاشىلىق ءدارىسى، ءدارى سايماندارى قاتارلى زاتتىق ماتەريالداردى ساتىپ الۋى، سونداي – اق ءبىرتۇتاس ساقتانۋ، ءبىرتۇتاس جونگە سالۋ قىزمەت وتەۋى قاتارلىلارعا ۇيلەسىمدى كومەك اقشا بەرىپ، ورىنداردىڭ كۇزەتۋ، سيگنال بەرۋىن جانە دە كۇشەيتۋگە ۋاعىندا جەتەكتەپ، ونىمدى شارا قولدانىپ، ءبيداي، كۇرىش، جۇگەرى، بورمي قۇرتى جانە اۋىل شارۋاشىلىق رايوندارىندا شەگىرتكە، قىزىل قۇمىرىسقانىڭ الدىن الۋ مەڭگەرۋ قىزمەتىن قانات جايدىرىپ، اۋىر دەرت - دەربەزدىڭ اۋىل شارۋاشىلىعى وندىرىسىنە كەلتىرەتىن زيانىن جەڭىلدەتىپ، تۇتاس جىلدا استىقتان مول ءونىم الۋدىڭ ىرىقتىلىق ۇقىعىنا قول جەتكىزۋگە پارمەندى تىرەك ازىرلەدى.