شي جينپيڭ رۋمينيانىڭ جاڭادان سايلانعان زۇڭتۇڭى دانعا قۇتتىقتاۋ تەلەگرامماسىن جولدادى

شينحۋا اگەنتتىگى، 5 - ايدىڭ 23 - كۇنى، بەيجيڭ. 2025 - جىلى 5 - ايدىڭ 22 - كۇنى مەملەكەت ءتوراعاسى شي جينپيڭ نيكۋشور دانعا تەلەگرامما جولداپ، ونىڭ رۋمينيانىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: رۋمينيا − دۇنيە جۇزىندەگى جاڭا جۇڭگومەن ديپلوماتيالىق قارىم - قاتىناس ورناتقان ءۇشىنشى مەملەكەت. ۇزاق ۋاقىتتان بەرى جۇڭگو مەن رۋمينيا ەكى جاق ءوزارا قۇرمەت ەتىپ، تەڭ تۇرعىدا مامىلە جاساپ كەلدى، ەكى ەلدىڭ ءوزارا ءتيىمدى سەلبەستىگى ۇزدىكسىز ىلگەرىلەپ، ءداستۇرلى دوستىعى ۋاقىت وتكەن سايىن بەكەمدەلە ءتۇستى. قازىر دۇنيە ءجۇزىنىڭ 100 جىلدىق وزگەرىسى جەدەل قۇبىلۋدا، جۇڭگو مەن رۋاندا ەكى ەل جاقسى دوس، جاقسى سەرىك رەتىندە، قارىم - قاتىناستى كۇشەيتىپ، ورتاق تانىمدى كۇشەيتىپ، سەلبەستىكتى تەرەڭدەتىپ، ءداۋىر ورايىن بىرگە يگەرىپ، حاۋىپ - قاتەر مەن سىن - سايىسقا قول ۇستاسا توتەپ بەرۋى كەرەك. مەن جۇڭگو - رۋمينيا قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ دانمەن بىرگە قۇلشىنىپ، ەكى ەلدىڭ دوستىق سەلبەستىگىنىڭ جاڭا تاراۋىن جازىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى