شي جينپيڭ ۆيەتنامنىڭ بۇرىنعى مەملەكەت ءتوراعاسى چىن دىلياڭنىڭ قايتىس بولۋىنا بايلانىستى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينگە جانە ۆيەتنامنىڭ مەملەكەت ءتوراعاسى لياڭ چياڭعا كوڭىل ايتۋ تەلەگرامماسىن جولدادى

شينحۋا اگەنتتىگى، 5 - ايدىڭ 24 - كۇنى، بەيجيڭ. 5 - ايدىڭ 24 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنامنىڭ بۇرىنعى مەملەكەت ءتوراعاسى چىن دىلياڭنىڭ قايتىس بولۋىنا بايلانىستى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينگە، ۆيەتنامنىڭ مەملەكەت ءتوراعاسى لياڭ چياڭعا كوڭىل ايتۋ تەلەگرامماسىن جولداپ، جۇڭگو كوممۋنيستىك پارتياسى، جۇڭگو ۇكىمەتى جانە جۇڭگو حالقى اتىنان قايعىلى ازا ءبىلدىردى، چىن دىلياڭنىڭ وتباسىنداعىلاردان شىنايى حال سۇرادى.

شي جينپيڭ بىلاي دەپ اتاپ كورسەتتى: چىن دىلياڭ جولداس − ۆيەتنام پارتياسى مەن مەملەكەتىنىڭ ۇزدىك باسشىسى، ۆيەتنام مەملەكەتىنىڭ دامۋى مەن جاڭالىق اشۋ، ەسىك اشۋ ىستەرىنە ماڭىزدى ۇلەس قوستى. جۇڭگو حالقىنىڭ كونە دوسى رەتىندە، چىن دىلياڭ جولداس جۇڭگو مەن ۆيەتنام پارتيالارىنىڭ، ەلدەرىنىڭ قارىم - قاتىناسىنىڭ دامۋى ءۇشىن قاجىماي - تالماي قۇلشىنىس جاسادى. مەن سۋلين جولداس باستاعان ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ۆيەتنام پارتياسىنىڭ، ۇكىمەتىنىڭ جانە حالقىنىڭ قايعىنى قايراتقا اينالدىرىپ، سوتسياليستىك قۇرىلىس ىستەرىندە ۇزدىكسىز تىڭ تابىستارعا قول جەتكىزەتىندىگىنە سەنەمىن.

كەلۋ قاينارى: حالىق تورابى