شي جينپيڭ 20 - كەزەكتى جۇڭگو باتىس بولىك حالىقارالىق كورمەسىنە قۇتتىقتاۋ حاتىن جولدادى

شينحۋا اگەنتتىگى، 5 - ايدىڭ 25 - كۇنى، بەيجيڭ. 5 - ايدىڭ 25 - كۇنى مەملەكەت ءتوراعاسى شي جينپيڭ 20 - كەزەكتى جۇڭگو باتىس بولىك حالىقارالىق كورمەسىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: وسى كەزەكتى باتىس بولىك حالىقارالىق كورمەسى نازاردى جوعارى دەڭگەيدە سىرتقا ەسىك اشۋدى كەڭەيتۋگە شوعىرلاندىرىپ، وڭىرلىك اۋىس - كۇيىستى، سەلبەستىكتى تەرەڭدەتىپ، وسىزاماندانعان كاسىپ سالاسى جۇيەسى قۇرىلىسىنا دەم بەرىپ، جاڭا دامۋ ارناسىن قالىپتاستىرۋدا، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدا ماڭىزدى جەبەۋ رولىن اتقاردى، سونداي - اق دۇنيە جۇزىندەگى ءار ەلدىڭ جۇڭگونىڭ باتىس بولىگىنىڭ دامۋ ورايىنان بىرگە يگىلىكتەنۋىنە ءونىمدى تۇعىر ازىرلەدى.

شي جينپيڭ بىلاي دەپ باسا دارىپتەدى: ىنتىماقتاسقاندا عانا تەڭ يگىلىككە كەنەلۋگە، قول ۇستاسا العا باسۋعا بولادى. ءبىز وسى رەتكى كورمەنى وراي ەتىپ، ءار ەلدەگى دوستارمەن ءتۇسىنىسۋدى ونان ارى تەرەڭدەتىپ، دوستىقتى كۇشەيتىپ، سەلبەستىكتى تەرەڭدەتىپ، كوپ جاقتى ساۋدا ءتۇزىلىسى مەن دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن بىرگە قورعاپ، دۇنيە ءجۇزى ەكونوميكاسىنىڭ گۇلدەنىپ - كوركەيۋىن، دامۋىن جەبەۋگە تىڭ قوزعاۋشى كۇش قوسۋدى قالايمىز.

20 - كەزەكتى جۇڭگو باتىس بولىك حالىقارالىق كورمەسى سول كۇنى سىچۋان ولكەسىنىڭ چىڭدۋ قالاسىندا اشىلدى، نەگىزگى تاقىرىبى ”رەفورمانى تەرەڭدەتىپ، قوزعاۋشى كۇشتى ارتتىرىپ، ەسىك اشۋدى كەڭەيتىپ، دامۋدى جەبەۋ“ بولدى، سىچۋان ولكەلىك حالىق ۇكىمەتى ۇيىمداستىردى.

كەلۋ قاينارى: حالىق تورابى