جۇڭگو اۋا رايى مەكەمەسى نوسەرلى جاڭبىردىڭ 3 - دارەجەلى شۇعىل ۇندەۋىن ىسكە قوستى

جۇڭگو اۋا رايى مەكەمەسىنىڭ حابارىنا قاراعاندا، مەجەمەن 5 – ايدىڭ 27 – كۇنىنەن 29 – كۇنىنە دەيىن چاڭجياڭنىڭ وڭتۇستىگى، وڭتۇستىك جۇڭگو، گۇيجوۋ، يۇنناننىڭ باسىم كوپ ساندى رايوندارىندا ىلگەرىندى – كەيىندى نوسەر جاۋادى، گۇيجوۋدىڭ شىعىس بولەگى مەن وڭتۇستىك بولەگى، حۋنان، جياڭشيدىڭ وڭتۇستىك بولەگى، فۋجيان، گۋاڭشيدىڭ سولتۇستىك بولەگى، گۋاڭدۇڭنىڭ سولتۇستىك بولەگى قاتارلى جەرلەردىڭ ءىشىنارا رايوندارىندا قالىڭ جاڭبىر جاۋادى، كەي جەرلەرىندە قالىڭ نوسەر جاۋادى، سونداي – اق قىسقا ۋاقىتتىق كۇشتى جاۋىن – شاشىن نەمەسە ناجاعايلى بوران سياقتى كۇشتى كونۆەكسيالىق اۋا رايى قوسانجارلايدى. كەشەندى الدىن-الۋ جانە توتەنشە جاعدايلاردى كەڭەسۋ ارقىلى جۇڭگو اۋا رايى مەكەمەسى نوسەرلى جاڭبىردىڭ 3 - دارەجەلى شۇعىل ۇندەۋىن ىسكە قوستى.