وقۋ ـ اعارتۋدى زاڭمەن جونگە سالۋ، باسقارۋ، ادام تاربيەلەۋ ءتۇزىمى جۇيەسىن اناعۇرلىم اقاۋسىزداندىرۋ جانە كەمەلدەندىرۋ كەرەك

ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى كەڭسەسى تاياۋدا «نەگىزدىك وقۋ – اعارتۋدىڭ ”ارناعا ءتۇسىرىپ باسقارۋ، دەڭگەيىن جوعارىلاتۋ جىلى“ قيمىلىن ورىستەتۋ جونىندەگى ۇقتىرۋدى» باسىپ تاراتقان، مۇنداعى ماقسات — 2024 - جىلعى ارناعا ءتۇسىرىپ باسقارۋ جىلىنداعى قىزمەت ونىمدىلىگىن بەكەمدەۋ نەگىزىندە وقۋ – اعارتۋ زاڭدىلىعىنا قايشى، بۇقارانىڭ مۇددەسىنە زيان جەتكىزەتىن مەكتەپ باسقارۋ، مەكتەپتى جونگە سالۋ ارەكەتتەرىن ىشكەرىلەي اداقتاپ، جونگە سالىپ، نەگىزدىك وقۋ - اعارتۋدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتۋ.

«ۇقتىرۋدا» ”بەستى اناعۇرلىم ىلگەرىلەتۋ“ قىزمەت نىساناسى ورتاعا قويىلدى: ادام تاربيەلەۋدى نەگىز ەتۋ، سالاماتتىقتى ءبىرىنشى ورىنعا قويۋ سىندى وقۋ – اعارتۋ تانىمىن جۇرت جۇرەگىنە اناعۇرلىم تەرەڭ ۇيالاتۋ؛ وقۋ – اعارتۋ زاڭدىلىعىنا قايشى كەلەتىن، بۇقارانىڭ مۇددەسىنە زيان جەتكىزەتىن مەكتەپ باسقارۋ ارەكەتىن اناعۇرلىم تەجەۋ؛ وقۋ – اعارتۋدى زاڭمەن جونگە سالۋ، ادام تاربيەلەۋدى باسقارۋ ءتۇزىمى جۇيەسىن اناعۇرلىم اقاۋسىزداندىرۋ جانە كەمەلدەندىرۋ: ءادىل، تۋرا، بەلسەندى، اقاۋسىز وقۋ – اعارتۋ ەكولوگياسىن اناعۇرلىم ساپالاندىرۋ جانە جاقسارتۋ؛ حالىق بۇقاراسىنىڭ نەگىزدىك وقۋ - اعارتۋعا رازىلىق دارەجەسىن، تابىس سەزىمىن اناعۇرلىم ءونىمدى جوعارىلاتۋ.

«ۇقتىرۋدا» مىنالار اتاپ كورسەتىلدى: ونەگە كورسەتىپ ادام تاربيەلەۋدى، ادام تاربيەلەۋدى نەگىزگى جەلى ەتۋدى اناعۇرلىم كورنەكتىلەندىرىپ، وقىتۋشىلىق ءمورال، وقىتۋشىلىق ستيل سىندى ءبىرىنشى ولشەمنىڭ سوڭعى شەگىن كۇشەيتىپ، حاۋىپسىزدىكتى باسقارۋدى بەكەمدەپ، مەكتەپ باسقارۋدىڭ قىزىل سىزىعىن ارناعا ءتۇسىرۋ كەرەك.

«ۇقتىرۋدا» سونىمەن بىرگە 16 ءتۇرلى ۇنامسىز تىزىمدىك كورسەتىلدى، تۇيىندىلەرى مىنالاردى قامتيدى: بەلگىلەمەگە قايشىلىق جاساپ، ەمتيحاندى قايتا - قايتا ۇيىمداستىرىپ، وقۋشىلاردىڭ وقۋ اۋىرتپالىعىن اۋىرلاتۋعا قاتاڭ تيىم سالىنادى؛ بەلگىلەمەگە قايشىلىق جاساپ وقۋشىلاردى دەمالىس ورنالاستىرۋعا، وقۋشىلاردىڭ ساباق ارالىعىنداعى دەمالىسىن يەمدەنىپ الۋعا قاتاڭ تيىم سالىنادى؛ الدىن الا وقۋ باستاۋعا، دەمالىستى كەشەۋىلدەتۋگە نەمەسە دەمالىس ۋاقىتىنان پايدالانىپ ساباق تولىقتاۋعا قاتاڭ تيىم سالىنادى؛ مەكتەپتەردىڭ قالىپتى تانىمعا، الەۋمەتتىك ءتارتىپ پەن تاماشا سالت - ساناعا قايشى مەكتەپ ەرەجەسى، مەكتەپ ءتارتىبى تارماقتارىن جاساۋىنا قاتاڭ تيىم سالىنادى. تىزىمدىكتە مەكتەپ اۋلاسىنداعى ازىق - تۇلىك حاۋىپسىزدىگىن باسقارۋ جاۋاپكەرشىلىگىن اتقارماۋ، بەلگىلەمەگە قايشى تۇردە وقىتۋ قوسىمشا قاراجاتىن الۋ، مەكتەپ كيىمىن ساتۋدان پايدالانىپ پايدا ءتۇسىرۋ قاتارلىلارعا تيىم سالۋ سيپاتتى تالاپتار قويىلدى.

كەلۋ قاينارى: حالىق تورابى