شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن شاندۇڭ گاۋمي حيميا زاۆودىنىڭ قوپارىلىس تۋىلعان ناق مايدانىنا جىبەردى

شينحۋا اگەنتتىگىنىڭ 5 - ايدىڭ 27 – كۇنى بەيجيڭنەن بەرگەن حابارى. ءتىلشىنىڭ 5 - ايدىڭ 27 - كۇنى شۇعىل جاعدايعا توتەپ بەرۋدى باسقارۋ مينيسترلىگىنەن ۇعىسۋىنشا، سول كۇنى ساعات 11 دەن 57 مينۋت وتكەندە شاندۇڭ ولكەسى ۋيفاڭ قالاسى گاۋمي قالاسى يوۋداۋ حيميا شەكتى سەرىكتەستىگىندە قوپارىلىس تۋىلعان. شۇعىل جاعدايعا توتەپ بەرۋدى باسقارۋ مينيسترلىگى دەرەۋ شىرعالاڭدى شۇعىل ءبىر جاقتى ەتۋگە جەتەكشىلىك ەتتى ءارى قىزمەت گرۋپپاسى مەن كاسىپتىك قۇتقارۋ كۇشتەرىن ناق مايدانعا جىبەردى.

مالىمەتتى تاپسىرىپ العاننان كەيىن، شۇعىل جاعدايعا توتەپ بەرۋدى باسقارۋ مينيسترلىگى دەرەۋ ورنالاستىرۋ جاساپ، ادام سانىن انىقتاۋدى مىقتى يگەرىپ، كاسىپتىك كۇشتەردى ۇيىمداستىرىپ، ءورت اپاتىن تەز ارادا جويىپ، ادامداردى تەكسەرۋ، ىزدەۋ، قۇتقارۋ قىزمەتىن بار كۇشپەن ورىستەتىپ، ەمدەۋ ماماندارىن ۇيىمداستىرىپ، جارالىلاردى بار كۇشپەن ەمدەپ، سوڭعى ءبىر جاقتى ەتۋ قاتارلى قىزمەتتەردى ويداعىداي ىستەۋدى ءارى ناق مايدان جاعدايىن ورنالاستىرىپ، شۇعىل جاعدايعا توتەپ بەرۋ، ءبىر جاقتى ەتۋ قىزمەتىنە جەتەكشىلىك ەتۋدى تالاپ ەتتى.

ۇعىسۋعا قاراعاندا، شۇعىل جاعدايعا توتەپ بەرۋدى باسقارۋ مينيسترلىگىنىڭ قاتىستى جاۋاپتىسى قىزمەت گرۋپپاسىن باستاپ شىرعالاڭ تۋىلعان ناق مايدانعا بارعان. شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىڭ ءورت ءسوندىرۋ جانە ورتتەن ساقتانۋ امبەباپ قۇتقارۋ ـ كومەكتەسۋ كۇشتەرىن، مەملەكەتتىڭ ءوندىرىس حاۋىپسىزدىگى كاسىپتىك قۇتقارۋ ـ كومەكتەسۋ كۇشتەرىن كومەككە جىبەرىپ، ەمدەۋ، دەنساۋلىق ساقتاۋ ماماندارىن سايكەستىرىپ، جارالىلاردى قۇتقارۋعا قاتىناستىردى. جەرگىلىكتى ءورت ءسوندىرۋ جانە ورتتەن ساقتانۋ قۇتقارۋ ـ كومەكتەسۋ قوسىنى 55 اۆتوموبيل، 232 ادامدى ناق مايدانعا جىبەرىپ، ءبىر جاقتى ەتتى.

كەلۋ قاينارى: حالىق تورابى