شي جينپيڭ كورەيانىڭ سايلانعان زۇڭتۇڭى لي زايميڭگە قۇتتىقتاۋ تەلەگرامماسىن جولدادى

شينحۋا اگەنتتىگىنىڭ 6 ـ ايدىڭ 4 ـ كۇنى بەيجيڭنەن بەرگەن حابارى. 6 ـ ايدىڭ 4 ـ كۇنى مەملەكەت ءتوراعاسى شي جينپيڭ لي زايميڭگە تەلەگرامما جولداپ، ونىڭ كورەيانىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن كورەيا ءبىر ـ بىرىنە ماڭىزدى جاقىن كورشى جانە سەلبەستىك سەرىكتەر. ديپلوماتيالىق قارىم ـ قاتىناس ورناتقان 33 جىلدان بەرى، ەكى جاق يدەولوگيا جانە قوعامدىق ءتۇزىم پارقىنان اتتاپ ءوتىپ، قول ۇستاسا بىرگە العا باسىپ، ءبىر ـ ءبىرىن تابىسقا جەتكىزىپ، ەكى ەل قارىم ـ قاتىناسىنىڭ ورنىقتى، اقاۋسىز دامۋىن جۇزەگە اسىرىپ، ەكى ەل حالقىنىڭ قۇت ـ ىرىسىن ارتتىرىپ قانا قويماي، ءوڭىردىڭ بەيبىتشىلىگى مەن ورنىقتىلىعىن جانە دامۋىن، گۇلدەنۋىن جەبەۋگە دە بەلسەندى ۇلەس قوستى.

شي جينپيڭ بىلاي دەپ باسا دارىپتەدى: مەن جۇڭگو - كورەيا قارىم ـ قاتىناسىنىڭ دامۋىنا ايرىقشا ءمان بەرەمىن. قازىر دۇنيە جۇزىندە 100 جىلدىق وزگەرىس جەدەل قۇبىلۋدا، حالىقارالىق جانە وڭىرلىك جاعدايداعى ايقىنسىزدىق فاكتورلار كوبەيۋدە. بۇكىل الەمدەگى جانە وڭىردەگى ماڭىزدى مەملەكەت رەتىندە، جۇڭگو جاق كورەيا جاقپەن بىرگە ديپلوماتيالىق قارىم ـ قاتىناس ورناتۋ اۋەلگى ماقساتىنان جازباي، تاتۋ كورشى، دوس بولۋ بەتالىسىنان بۇلجىماي، ءوزارا پايدا جەتكىزىپ تەڭ يگىلىككە كەنەلۋ نىساناسىنا تاباندى بولىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قارىم ـ قاتىناسىنىڭ ۇزدىكسىز العا قاراي دامۋىن بىرگە ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.