«اسكەري قۇرىلعى قۇرىلىسى ەرەجەسى» جاريالاندى

شينحۋا اگەنتتىگىنىڭ 6 ـ ايدىڭ 5 ـ كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ تاياۋدا بۇيرىققا قول قويۋىمەن «اسكەري قۇرىلعى قۇرىلىسى ەرەجەسى» جاريالاندى، 2025 ـ جىلى 8 ـ ايدىڭ 1 ـ كۇنىنەن باستاپ اتقارىلادى.

ەرەجە شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، نازاردى سوعىسقا دايىندالۋعا، سوعىس جۇرگىزۋگە قىزمەت وتەۋگە شوعىرلاندىرىپ، جاڭا باسشىلىق، قولباسشىلىق ءتۇزىلىسى مەن قامتاماسىزداندىرۋ ۇلگىسىنە سايكەستىرىپ، اسكەري قۇرىلعى قۇرىلىسىنىڭ نەگىزگى پرينسيبىن، باسقارۋ ءتۇزىلىسىن، اينالىم مەحانيزمىن جانە قىزمەت ءتۇزىمىن عىلمي ارناعا ءتۇسىرۋ — اسكەري قۇرىلعى قۇرىلىسى قىزمەتىنىڭ ماڭىزدى نەگىزى.

ەرەجە جالپى 11 تاراۋ، 63 تارماق، اسكەري ىستەر كوميتەتى جالپى جاقتان باسقارۋ، سوعىس رايوندارى نەگىزگى سوعىس جۇرگىزۋ، ارميا تۇرلەرى نەگىزگى قۇرىلىس جۇرگىزۋ جالپى پرينسيبى بويىنشا، قۇرىلىس تىزبەگىن، باسقارۋ تىزبەگىن، باقىلاۋ تىزبەگىن جونگە سالۋدى ارقاۋ ەتىپ، ءتۇيىندى تۇردە اسكەري قۇرىلعى قۇرىلىسىن جوسپارلى باسقارۋ، نىسانداردى تەكسەرىپ بەكىتۋ، قۇرىلىستى كوتەرمەگە بەرۋ، بارلاۋ ـ جوبالاۋ، قۇرىلىس جۇرگىزۋدى باسقارۋ، شۇعىل جاعدايعا توتەپ بەرۋ قۇرىلىسى، حاۋىپسىزدىك بويىنشا قۇپيالىق ساقتاۋ، باقىلاۋ، جاۋاپقا تارتۋ سياقتى جاقتاردان باسقارۋ ۇقىق شەگىن ايقىنداپ، ءتارتىپ مەحانيزمىن ساپالىلاندىرىپ، امالياتتىق جەتىستىكتەردى بەكەمدەپ، اسكەري قۇرىلعى قۇرىلىسىنىڭ ساپاسىن، ونىمدىلىگىن جانە قامتاماسىزداندىرۋ قابىلەتىن جوعارىلاتۋعا پارمەندى زاڭمەن باسقارۋ قامتاماسىزدىعىن ازىرلەدى.