شي جينپيڭ پولشانىڭ سايلانعان زۇڭتۇڭى ناۆروسكيگە قۇتتىقتاۋ تەلەگرامماسىن جولدادى

شينحۋا اگەنتتىگىنىڭ 6 ـ ايدىڭ 6 ـ كۇنى بەيجيڭنەن بەرگەن حابارى. 2025 ـ جىلى 6 ـ ايدىڭ 6 ـ كۇنى مەملەكەت ءتوراعاسى شي جينپيڭ كارول ناۆروسكيگە تەلەگرامما جولداپ، ونىڭ پولشا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: پولشا جاڭا جۇڭگونى ەڭ ەرتە مويىنداعان ءارى جاڭا جۇڭگومەن ديپلوماتيالىق قارىم ـ قاتىناس ورناتقان ەلدەردىڭ ءبىرى. جۇڭگو - پولشا ەكى ەل ءداستۇرلى دوس، ءبىر ـ ءبىرىنىڭ جالپى بەتتىك ستراتەگيالىق سەرىگى. ديپلوماتيالىق قارىم ـ قاتىناس ورناتقان 76 جىلدان بەرى، ەكى ەل ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولىپ، ءار سالاداعى ءوزارا پايدا جەتكىزۋ سەلبەستىگىنىڭ تابىسى سۇبەلى بولدى. وزگەرىس پەن بىلىقپالىق قاباتتاسقان حالىقارالىق جاعداي الدىندا، جۇڭگو مەن پولشا دوس سەرىك رەتىندە، ساياسي ءوزارا سەنىمدىلىكتى ونان ارى نىعايتىپ، ستراتەگيالىق بايلانىستى كۇشەيتۋى كەرەك. مەن جۇڭگو - پولشا قارىم ـ قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ ناۆروسكيمەن بىرگە قۇلشىنىپ، جۇڭگو مەن پولشانىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ۇزدىكسىز ورنىقتى دامۋىن ىلگەرىلەتىپ، ەكى ەل حالقىن باقىتقا كەنەلتىپ، دۇنيە جۇزىنە اناعۇرلىم كوپ ورنىقتىلىق جانە ايقىندىلىق ۇستەۋدى قالايمىن.