شي جينپيڭ بانچان ەردەني چۋەجيجيەبۋدىڭ سالەمدەسۋىن قابىلدادى

6 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ جۇڭنانحايدا بانچان ەردەني چۋەجيجيەبۋدىڭ سالەمدەسۋىن قابىلدادى. سۋرەتتە: بانچان شي جينپيڭگە حادا ۇسىنۋدا.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 6 ـ ايدىڭ 6 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 ـ ايدىڭ 6 ـ كۇنى جۇڭنانحايدا بانچان ەردەني چۋەجيجيەبۋدىڭ سالەمدەسۋىن قابىلدادى. شي جينپيڭ ونى 10 ـ ۇرپاق بانچان ۇستازدى ونەگە ەتىپ، بۇددا ءدىنى ءبىلىمى تەرەڭ، موناحتار مەن دىنگە سەنەتىن قاۋىمنىڭ تەرەڭ قادىر ـ قۇرمەتىنە بولەنگەن زاڭزۋلار اراسىندا تارالعان بۇددا ءدىنى كەگەنى بولۋعا قۇلشىنىپ، ۇلتتار ىنتىماعىن، دىندەردىڭ ۇيلەسىمدىلىگىن، شيزاڭنىڭ ورنىقتىلىعىن، دامۋىن، العا باسۋىن جەبەۋ بارىسىندا اناعۇرلىم زور ۇلەس قوسۋعا شابىتتاندىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي سالەمدەسۋدى قابىلداۋدا بىرگە بولدى.

بانچان شي جينپيڭگە حادا ۇسىندى، ءوزىنىڭ تاياۋ جىلداردان بەرگى ۇيرەنۋ، قىزمەت جاعدايىن تانىستىردى. شي جينپيڭ ونىڭ ءار جاقتاردا قول جەتكىزگەن ىلگەرىلەۋشىلىكتەرىن قۇتتىقتادى.

شي جينپيڭ بانچاننىڭ زاڭزۋلار اراسىندا تارالعان بۇددا ءدىنىنىڭ وتاندى ءسۇيۋ، ءدىندى ءسۇيۋ داڭقتى داستۇرىنە مۇراگەرلىك ەتىپ، وتاننىڭ تۇتاستىعى مەن ۇلتتار ىنتىماعىن باتىل قورعاۋىن؛ ونىڭ ۇيرەنۋ جاعىندا دەن قويا قۇنتتىلىقپەن تالپىنىپ، ءدىني ءىلىم ۇيرەنۋدى ۇزدىكسىز تەرەڭدەتىپ، ءدىني ءبىلىم دەڭگەيىن جوعارىلاتىپ، ءار جاقتاعى ءبىلىمدى ۇيرەنۋ مەن يگەرۋدى كۇشەيتۋىن؛ قىزمەت جاعىندا بەلسەندىلىكپەن ىسكەرلىك كورسەتىپ، جۇڭحۋا ۇلتى ورتاق تۇلعا تانىمىن بەكەمدەۋدى ىلگەرىلەتۋدە، ەلىمىزدە ءدىندى جۇڭگوشالاندىرۋدى جۇيەلى ىلگەرىلەتۋدە، شيزاڭنىڭ وسىزامانداندىرۋ قۇرىلىسىن جەبەۋدە اناعۇرلىم ويداعىداي رول اتقارۋىن؛ جەتىلىم جاعىندا سالماقتى بولىپ، وزىنە قاتاڭ تالاپ قويىپ، باستاماشىلدىقپەن زاڭعا بويسۇنىپ، قاعيداعا باعىنىپ، تاماشا ءمورال مەن اسىل قۇلىقتى جەتىلدىرۋىن ءۇمىت ەتتى.

بانچان مىنالاردى ءبىلدىردى: باس شۋجي شي جينپيڭنىڭ ىقىلاستى ءتالىمىن، ءسوز جوق، ەستە بەرىك ساقتاپ، 10 ـ ۇرپاق بانچان ۇستازدى ۇلگى ەتىپ، جۇڭگو كوممۋنيستىك پارتياسىنىڭ باسشىلىعىن باتىل قولداپ، وتاننىڭ تۇتاستىعى مەن ۇلتتار ىنتىماعىن باتىل قورعايمىن. ۇزدىكسىز قۇنتتىلىقپەن تالپىنىپ ءبىلىمدى تەرەڭدەتىپ، ءدىني ءبىلىم مەن جالپىلىق ساپامدى ۇزدىكسىز جوعارىلاتىپ، ۇلتتار ىنتىماعى، العاباسارلىعىن جەبەۋگە، ەلىمىزدە ءدىندى جۇڭگوشالاندىرۋدى جۇيەلى ىلگەرىلەتۋگە، شيزاڭنىڭ وسىزامانداندىرۋ قۇرىلىسىن جەبەۋگە كۇش قوسامىن.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى لي گانجيە قيمىلعا قاتىناستى.