جۇرەك – قان تامىر اۋرۋلارىنا قاتىستى مىناداي قاتە تۇسىنىكتەر جايلى بىلەسىز بە؟ 

ءبىرىنشى قاتە تۇسىنىك

جۇرەك اۋرۋىنا شالدىققانداردىڭ ءارقانداي سپورتپەن شۇعىلدانۋىنا بولمايدى؟

جۇڭگو مەديتسينا عىلىم اكادەمياسى فۋۋاي ەمحاناسى جۇرەك اۋرۋى ءبىرىنشى رايونىنىڭ مەڭگەرۋشىسى سۇڭ لەي بىلاي دەيدى: بۇلاي ايتۋ وتە قاتە، ءبىز جۇرەك – مي قان تامىرى اۋرۋلارىنا شالدىققان ناۋقاستاردىڭ ۇيلەسىمدى مولشەردە ارەكەتتەنۋىن دارىپتەيمىز، وتە – موتە، جۇرەك – مي قان تامىرى اۋرۋى تەجەلگەن اۋرۋلار جونىنەن ايتقاندا، شۇعىل مەزگىلدەن ورنىقتى مەزگىلگە قادام تاستاعان شارت – جاعدايدا، ءبىز ناۋقاستاردى كوپ ارەكەتتەنۋگە شابىتتاندىرامىز. مۇنداي ارەكەتتەر ەكى جاقتى قامتيدى، ءبىر جاعىنان، ءبىز وتتەكتى سپورتپەن شۇعىلدانۋدى دارىپتەيمىز، ەندى ءبىر جاعىنان، سپورتپەن شۇعىلدانۋدىڭ مولشەرىن تەجەۋدى باسا دارىپتەيمىز، سپورتپەن شۇعىلدانعان كەزدە، جۇرەك – مي قان تامىرى اۋرۋلارىنا شالدىققانداردىڭ جۇرەك سوعۋىنىڭ جيىلىگى ەڭ جوعارى جۇرەك قاعىسىنىڭ جيىلىگىنىڭ %70 نەن اسىپ كەتپەۋى كەرەك.

ەكىنشى قاتە تۇسىنىك

تەك كەۋدە ءبولىمى اۋىرسا بولعانى، ءسوزسىز، جۇرەك اۋرۋى دەپ ءبىلۋ

جۇڭگو مەديتسينا عىلىم اكادەمياسى فۋۋاي ەمحاناسى ەرەسەكتەرگە ارنالعان جۇرەك سىرتقى اۋرۋلار ءبولىمىنىڭ بەسىنشى اۋرۋلار رايونىنىڭ مەڭگەرۋشىسى ۋاڭ شيانچياڭ بىلاي دەيدى: بۇل دا دۇرىس ەمەس، ويتكەنى، كەۋدە ءبولىمىنىڭ اۋرۋىنىڭ كوپ ءتۇرلى سەبەبى بار، مىسالى، نەرۆ جاعىنداعى سەبەبى بار بولۋى مۇمكىن، وكپەنىڭ سەبەبىنەن بولۋى دا مۇمكىن، ءتىپتى كەيدە اسقازان جايسىزدانعان بولۋى دا مۇمكىن، ءسوزسىز جۇرەك اۋرۋى دەۋگە كەلمەيدى، الايدا، كەۋدە ءبولىمى جايسىزدانسا نەمەسە اۋىرسا، بۇعان ءمان بەرۋ قاجەت، جايسىزدانعان كەزدە دەر كەزىندە شيپاگەرگە كورىنگەن ءجون. (باس ستانسيا ورتالىق تەلەۆيزيا ءتىلشىسى لي بين، رەداكتور، ياڭ چاڭيۋان)

كەلۋ قاينارى: حالىق تورابى