ۇلتتار ىنتىماعىن شىن مانىندە ويداعىداي قورعاپ، اناعۇرلىم باقىتتى، تاماشا تۇرمىس جاراتۋعا شابىتتاندىردى

جاۋاپ حات

شيزاڭ لينجى قالاسى با - ي رايونى لينجى قالاشىعى گالا قىستاعىنداعى بارلىق تۇرعىن:

حاتتارىڭىزدى وقىپ، 4 جىلدىڭ الدىنداعى گالا قىستاعىنداعى ساپارىم ەسىمە ءتۇستى، ادەمى دە رەتتى قىستاق، ىقىلاستى، قاراپايىم قىستاق تۇرعىندارى ماعان تەرەڭ اسەر قالدىردى. وسى بىرنەشە جىلدا قىستاقتا تاعى دا جاڭا وزگەرىستەر بولعاندىعىن، اۋىلداستاردىڭ كىرىسىنىڭ ارتقاندىعىن ءبىلىپ، سىزدەر ءۇشىن قۋانىپ وتىرمىن.

كوپشىلىكتىڭ حاتتا جەتىقاراقشى جۇلدىزىن كوزدەپ جۇرگەندە جولدان اداسپايمىز، كوممۋنيستىك پارتياعا ىلەسسەك باقىتتى بولامىز دەپ جازىپ وتىرعانى وتە دۇرىس. سىزدەردىڭ پارتيانىڭ شەكارانى گۇلدەندىرىپ، حالىقتى اۋقاتتاندىرۋ ابزال ساياساتىنىڭ جەتەكشىلىگىندە، ۇلتتار ىنتىماعىن شىن مانىندە ويداعىداي قورعاپ، اناعۇرلىم باقىتتى، تاماشا تۇرمىس جاراتىپ، قارلى ءۇستىرتتىڭ تابيعي كورىنىسىن ويداعىداي قورعاپ، ”شاپتول گۇلدى قىستاق“ ماركاسىن ونان ارى جارقىراتىپ، وتاننىڭ گۇلدەنگەن، ورنىقتى شەكارا ءوڭىرىن قۇرۋعا كۇش قوسۋلارىڭىزدى ءۇمىت ەتەمىن.

شي جينپيڭ

2025 – جىلى 6 - ايدىڭ 27 - كۇنى

شينحۋا اگەنتتىگى، 6 - ايدىڭ 29 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭ لينجى قالاسى با - ي رايونى لينجى قالاشىعى گالا قىستاعىنداعى بارلىق تۇرعىنعا جاۋاپ حات جازىپ، ولارعا شىنايى ءۇمىت ارتتى.

شي جينپيڭ جاۋاپ حاتىندا بىلاي دەدى: حاتتارىڭىزدى وقىپ، 4 جىلدىڭ الدىنداعى گالا قىستاعىنداعى ساپارىم ەسىمە ءتۇستى، ادەمى دە رەتتى قىستاق، ىقىلاستى، قاراپايىم قىستاق تۇرعىندارى ماعان تەرەڭ اسەر قالدىردى. وسى بىرنەشە جىلدا قىستاقتا تاعى دا جاڭا وزگەرىستەر بولعاندىعىن، اۋىلداستاردىڭ كىرىسىنىڭ ارتقاندىعىن ءبىلىپ، سىزدەر ءۇشىن قۋانىپ وتىرمىن.

شي جينپيڭ بىلاي دەپ باسا دارىپتەدى: كوپشىلىكتىڭ حاتتا جەتىقاراقشى جۇلدىزىن كوزدەپ جۇرگەندە جولدان اداسپايمىز، كوممۋنيستىك پارتياعا ىلەسسەك باقىتتى بولامىز دەپ جازىپ وتىرعانى وتە دۇرىس. سىزدەردىڭ پارتيانىڭ شەكارانى گۇلدەندىرىپ، حالىقتى اۋقاتتاندىرۋ ابزال ساياساتىنىڭ جەتەكشىلىگىندە، ۇلتتار ىنتىماعىن شىن مانىندە ويداعىداي قورعاپ، اناعۇرلىم باقىتتى، تاماشا تۇرمىس جاراتىپ، قارلى ءۇستىرتتىڭ تابيعي كورىنىسىن ويداعىداي قورعاپ، ”شاپتول گۇلدى قىستاق“ ماركاسىن ونان ارى جارقىراتىپ، وتاننىڭ گۇلدەنگەن، ورنىقتى شەكارا ءوڭىرىن قۇرۋعا كۇش قوسۋلارىڭىزدى ءۇمىت ەتەمىن (جاۋاپ حاتتىڭ تولىق مازمۇنى بولەك جاريالاندى).

2021 - جىلى 7 - ايدا باس شۋجي شي جينپيڭ شيزاڭدا قىزمەت تەكسەرگەن كەزدە گالا قىستاعىنا بارىپ، قىستاق تۇرعىندارىنان حال سۇراعان ەدى. گالا قىستاعىنىڭ تاۋلى ءوڭىر شاپتول گۇلىمەن اتى شىققان. بۇل قىستاق باس شۋجي شي جينپيڭ نۇسقاعان بەتالىس بويىنشا، تاياۋ جىلداردان بەرى اۋىل - قىستاق ساياحاتىن دامىتۋ، كوللەكتيۆ شارۋاشىلىقتى زورايتۋ، ۇلتتار ىنتىماعىن جەبەۋ سياقتى جاقتاردا جاڭا ناتيجەلەرگە قول جەتكىزىپ، ”مەملەكەتتىك ۇلتتار ىنتىماعى، العاباسارلىعىنداعى ۇلگىلى كوللەكتيۆ“ سياقتى داڭقتارعا يە بولدى. بيىل − شيزاڭ اۆتونوميالى رايونى قۇرىلعاندىعىنىڭ 60 جىلدىعى، گالا قىستاعىنداعى بارلىق قىستاق تۇرعىنى تاياۋدا باس شۋجي شي جينپيڭگە حات جازىپ، قىستاقتىڭ دامۋ، وزگەرىس جاعدايىنان مالىمەت بەرىپ، العىس ايتىپ، ۇدەرە العا تارتىپ، اناعۇرلىم تاماشا تۇرمىس جاراتۋ بەكىمدەرىن بىلدىرگەن بولاتىن.