قىزىل گەندى جالعاستىرىپ، اۋەلگى ماقساتتى، بورىشتى امالياتتا ايگىلەدى

بىرنەشە كۇننەن بەرى جەر - جەر توڭكەرىستىك قاھارمان - قۇربانداردى ەسكە الۋ، پارتيا مۇشەلەرىنىڭ توپتىق سەرت بەرۋى، ارالاپ حال سۇراۋ سياقتى قيمىلداردى كەڭىنەن ۇيىمداستىرىپ، جۇڭگو كوممۋنيستىك پارتياسى قۇرىلعاندىعىنىڭ 104 جىلدىعىن قۇتتىقتادى.

”1934 - جىلى ورتالىق قىزىل ارميا يۇيدۋ وزەنىنەن ەندەي ءوتتى. بۇقارا ەڭ سوڭعى ءبىر شىنى كۇرىشتى اسكەرلەرگە بەردى، ەڭ سوڭعى ءبىر تاقتايشانى قالقىما كوپىر سالۋعا پايدالاندى...“ ورتالىق قىزىل ارميانىڭ ۇزاق جورىققا اتتانعان جەرىن ەسكە ءتۇسىرۋ باقشاسىندا 22 جىلدىق پارتيا ستاجى بار ءتۇسىندىرۋشى جۇڭ مين تەبىرەنە بايانداۋ جاسادى. جۋىقتا جياڭشي ولكەسى گانجوۋ قالاسى يۇيدۋ اۋدانى پارتياعا جاڭادان قابىلدانعان 180 نەن استام مۇشەنى ەسكەرتكىش باقشاعا كەلىپ، ۇزاق جورىقتىڭ سول ءبىر الاۋلى ساتتەرىن ەسكە ءتۇسىردى.

”بۇقارامەن تىعىز بايلانىس جاساۋ − پارتيانىڭ تاڭداۋلى ستيلى. مەن قىزمەت بارىسىندا جاڭا داۋىردەگى پارتيانىڭ بۇقارالىق لۋشيانىن قۇلشىنا امالياتتا ايگىلەپ، بۇقاراعا كوبىرەك ناقتى، يگى ىستەر ىستەيمىن“ دەدى جاڭا پارتيا مۇشەسى لان شىڭرۇڭ.

جياڭسۋ ولكەسى بينحاي اۋدانى وسى زامانعى اۋىل شارۋاشىلىق كاسىپ سالاسى باقشا رايونى يۇيساي قىستاعى پارتيا باس ياچەيكاسى پارتيا مۇشەلەرىن گۋ جىڭحۇڭ قۇرباننىڭ بايىرعى تۇراعىنا، گۋ جىڭحۇڭنىڭ ىزگى ىستەرى كورمە سارايىنا بارىپ ەكسكۋرسيالاۋعا، ۇيرەنۋگە ۇيىمداستىردى. ”بينحاي اۋدانى − قۇربان گۋ جىڭحۇڭنىڭ اتا مەكەنى، ول جۇمىسشىلار قوزعالىسىنا جاستىق كوكتەمىن، ءتىپتى، ءومىرىن ارنادى. مەن توڭكەرىستىك اعا بۋىنداردىڭ رۋحىن ويداعىداي جالعاستىرىپ، نەگىزگى ساتىعا تامىر تارتىپ، بۇقاراعا قىزمەت ەتىپ، پارتيا مۇشەلەرىنىڭ وزىقتىق، ۇلگىلىك رولىن اناعۇرلىم ويداعىداي ساۋلەلەندىرەمىن“ دەدى جاس پارتيا مۇشەسى لي لين.

”مەن ءوز ەركىممەن جۇڭگو كوممۋنيستىك پارتياسىنا مۇشە بولامىن...“ تاياۋدا كوپ جەر پارتيا مۇشەلەرىنىڭ شوعىرلى سەرت بەرۋ قيمىلىن وتكىزىپ، العا باسۋ كۇشىن قابىلدادى.

چۇڭچيڭ قالاسى بەيفاڭ رايونىنداعى ۋاڭ پۋ قۇرباننىڭ ەسكەرتكىش سارايىندا تيانشىڭ ءمالى باسقارماسى شينان داشۋەسى سولتۇستىك الەۋمەتتىك اۋماعى 15 جاڭا پارتيا مۇشەسىن پارتياعا كىرۋ سەرتىن بەرۋگە ۇيىمداستىردى.

76 جاستاعى ساقا پارتيا مۇشەسى ليۋ گۋاڭشيا ايبىندى سەرت بەردى ءارى جاڭا پارتيا مۇشەلەرىنە پارتيا تاريحى حيكايالارىن ۇگىتتەپ، ەرىكتى قىزمەت وتەۋ كەشىرمەلەرىمەن ءبولىستى. ”مەن پارتياعا كىرۋ سەرتىمدى كوكەيدە بەرىك ساقتاپ، بۇقاراعا شىنايى سۇيىسپەنشىلىكپەن قىزمەت وتەپ، يگى ىستەردى، ناقتى ىستەردى بۇقارانىڭ جۇرەگىنە ۇيالاتىپ، الەۋمەتتىك اۋماق تۇرمىسىنىڭ اناعۇرلىم جايلى، اناعۇرلىم تاماشا بولۋىنا مۇمكىندىك جاسايمىن“ دەدى جاڭادان پارتياعا كىرگەن الەۋمەتتىك اۋماق قىزمەتكەرى جوۋ ۋەيحان.

حاينان ولكەسىنىڭ ۋجىشان توڭكەرىستىك بازاسىنىڭ ەسكەرتكىش باقشاسىندا ۋجىشان قالالىق حالىق سوت مەكەمەسى بارلىق پارتيالى كادردى پارتياعا كىرۋ سەرتىن قايتا ەسكە الۋعا، قىزىل تاريحتى ەسكە الۋعا ۇيىمداستىردى. ”پارتيا تاريحىن ۇيرەنۋ، اۋەلگى ماقساتتى ەسكە ءتۇسىرۋ − ءبىر رەتكى تەرەڭ رۋحاني سىناق.

مەن قىزىل رۋحتى ويداعىداي جالعاستىرىپ، ءاربىر دەلونى جوعارى ساپامەن، ءونىمدى تۇردە ويداعىداي ىستەپ، كەلەلى جاعدايعا قىزمەت وتەيمىن، حالىق ءۇشىن ءادىليا جۇرگىزەمىن، زاڭمەن جونگە سالۋ ءۇشىن جاۋاپكەرشىلىك ارقالايمىن“ دەدى جاس پارتيا مۇشەسى جوۋ حاۋنان.

”1 - شىلدە“ قارساڭىندا جەر - جەر باي مازمۇندى مادەنيەت قيمىلدارىن ۇزدىكسىز وتكىزىپ، تۇرمىسىندا قيىنشىلىعى بار پارتيا مۇشەلەرىنەن، ساقا پارتيا مۇشەلەرىنەن حال سۇراۋ قىزمەتىن دەن قويا، سۇيىسپەنشىلىكپەن ويداعىداي ىستەدى. لياۋنيڭ ولكەسى شىنياڭ قالاسى تيەشي رايونى شيڭشۇن ءمالى باسقارماسى جيايە الەۋمەتتىك اۋماعىندا كوپتەگەن حاتكەرلىك تۋىندىسى پارتيا مۇشەلەرىن، بۇقارانى باۋرادى. الەۋمەتتىك اۋماق پاكتىك تاقىرىبىن ارقاۋ ەتىپ، حاتكەرلىك، سۋرەت، قاعاز ويما سياقتى تۋىندىلاردى كەڭىنەن جيناپ، پاكتىك مادەنيەتى حاتكەرلىك، سۋرەت كورمەسىن وتكىزدى. ساقا پارتيا مۇشەسى چي باۋلين: ”مۇنداي فورما وتە جاقسى ەكەن،

پاكتىك مادەنيەتىن حاتكەرلىك، سۋرەت ونەرىنە ءسىڭىرىپ، پاكتىكتى قاستەرلەۋ كوزقاراسىن كوكەيگە ۇيالاتۋ كەرەك“ دەدى.

”الەۋمەتتىك اۋماقتاعى پارتيا مۇشەلەرى مەرزىم سايىن ۇيىمىزگە كەلىپ تازالىق ىستەيدى، سونىمەن بىرگە وتباسى شيپاگەرلەرىمەن بايلانىس جاساۋعا كومەكتەسىپ، مەيىر باعىشتايدى“. ىشكى موڭعۇل اۆتونوميالى رايونى باۋتوۋ قالاسى جيۋيۋان رايونى شاحى ءمالى باسقارماسى ۋاندا الەۋمەتتىك اۋماعىندا حال سۇراي كەلگەن پارتيا مۇشەسى ەرىكتىلەردى كورگەندە، توسەك تارتىپ جاتقان ساقا پارتيا مۇشەسى ۋاڭ مەيشيان ەرەكشە اسەرلەندى. الەۋمەتتىك اۋماق پارتكومىنىڭ شۋجيى ياڭ مو وعان ۇنەمى قولدانىلاتىن ءدارى - دارمەكتى رەتتەپ بەرىپ، ءىشۋ ۋاقىتىن انىقتاپ جازدى، سونداي - اق: ”قيىنشىلىق بولسا، الەۋمەتتىك اۋماققا قاي - قاشان دا تەلەفون بەرىپ تۇرىڭىز“ دەپ قاداعالاي تاپسىردى.