بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.07.11 14:50 كەلۋ قاينارى : حالىق تورابى
شينحۋا اگەنتتىگىنىڭ 7 - ايدىڭ 10 – كۇنى بەيجيڭنەن بەرگەن حابارى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى 7 - ايدىڭ 10 - كۇنى 2025 - جىلى زەينەتكەرلەردىڭ نەگىزگى زەينەتاقىسىن رەتتەۋ جونىندەگى ۇقتىرۋدى جاريالاپ، 2025 - جىلى 1 - ايدىڭ 1 - كۇنىنەن باستاپ، 2024 - جىلدىڭ سوڭىنان بۇرىن بەلگىلەمە بويىنشا زەينەتكە شىعۋ رەسميەتىن وتەگەن ءارى اي سايىن نەگىزگى زەينەتاقى الاتىن زەينەتكەرلەردىڭ نەگىزگى زەينەتاقىسىنىڭ دەڭگەيىن جوعارىلاتۋدى ايقىندادى، جالپى تۇلعالىق رەتتەۋ دەڭگەيى 2024 - جىلى زەينەتكە شىققانداردىڭ ايلىق ورتاشا نەگىزگى زەينەتاقىسىنىڭ %2 ىندەي بولادى.
تانىستىرۋعا قاراعاندا، وسى رەتكى رەتتەۋدە نورما بەلگىلەپ رەتتەۋ، بايلانىستىرىپ رەتتەۋ مەن لايىقتى بەيىمدەۋ ۇشتاستىرىلعان رەتتەۋ ءادىسى جالعاستى قولدانىلىپ، زەينەتاقى دەڭگەيى ءبىرشاما تومەن قاۋىمعا ءتۇيىندى تۇردە بەيىمدەلگەن.
نورما بەلگىلەپ رەتتەۋدە ادىلدىك پرينسيبى ايگىلەنىپ، ۇقساس ءبىر وڭىردەگى ءتۇرلى زەينەتكەرلەردىڭ رەتتەۋ ولشەمى بىردەي بولدى؛ بايلانىستىرىپ رەتتەۋدە ”كوپ تاپسىرسا كوپ الۋ“، ”ۇزاق ۋاقىت تاپسىرسا كوپ الۋ“ سىندى شابىتتاندىرۋ مەحانيزمى ايگىلەنىپ، قامسىزداندىرۋعا قاتىناسقانداردىڭ قىزمەتتەگى كەزىندە كوپ تاپسىرۋىن، ۇزاق ۋاقىت تاپسىرۋىن جەبەدى؛ لايىقتى بەيىمدەۋدە ءتۇيىندى قامقورلىق ايگىلەندى، باستىسى، جاسى ۇلعايعان زەينەتكەرلەر مەن جاپالى، شەت ـ شالعاي وڭىرلەردەگى زەينەتكەرلەر قاتارلى قاۋىمعا قامقورلىق جاسالدى.
ۇقتىرۋدا مىنالار تالاپ ەتىلدى: ولكە، اۆتونوميالى رايون، توتە قاراستى قالالار ءوز جەرىنىڭ ءىس جۇزىندىك جاعدايىمەن ۇشتاستىرىپ، ناقتى اتقارۋ جوباسىن جاساپ، ۇيىمداستىرىپ اتقارۋدى مىقتى يگەرىپ، رەتتەلىپ ارتقان نەگىزگى زەينەتاقىنى زەينەتكەرلەردىڭ قولىنا تەز ارادا تاراتۋ كەرەك.
كەلۋ قاينارى: حالىق تورابى
