جاۋ لىجي كورەيا پارلامەنتى باستىعىنىڭ ورىنباسارى لي شۋەيۇڭمەن كەزدەستى

شينحۋا اگەنتتىگى، 7 ـ ايدىڭ 10 ـ كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 7 ـ ايدىڭ 10 ـ كۇنى بەيجيڭدە كورەيا پارلامەنتى باستىعىنىڭ ورىنباسارى لي شۋەيۇڭمەن كەزدەستى.

جاۋ لىجي مىنالاردى ءبىلدىردى: ءتوراعا شي جينپيڭ لي زايميڭ زۇڭتۇڭ مىندەتكە وتىرعاننان كەيىن دەرەۋ قۇتتىقتاۋ تەلەگرامماسىن جولدادى ءارى ونىمەن تەلەفوندا سويلەسىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋ جونىندە ماڭىزدى ورتاق تانىمعا كەلدى. جۇڭگو جاق كورەيا جاقپەن بىرگە ەكى ەل مەملەكەت باسشىلارىنىڭ ستراتەگيالىق جەتەكشىلىگىندە ءتۇسىنىسۋدى، ءوزارا سەنىمدىلىكتى ارتتىرىپ، ءوزارا ءتيىمدى سەلبەستىكتى تەرەڭدەتىپ، گۋمانيتارلىق اۋىس ـ كۇيىستى كەڭەيتىپ، ەكى جاقتى قارىم - قاتىناستىڭ اقاۋسىز، ورنىقتى دامۋىن ىلگەرىلەتۋدى قالايدى. جۇڭگو مەملەكەتتىك حالىق قۇرىلتايى كورەيا پارلامەنتىمەن تىعىز بارىس ـ كەلىس جاساپ، جۇڭگو مەن كورەيانىڭ زاڭ شىعارۋ قۇرىلىمدارىنىڭ اۋىس ـ كۇيىس مەحانيزمى تۇعىرىنىڭ رولىن ساۋلەلەندىرىپ، قارىم ـ قاتىناستى، اۋىس ـ كۇيىستى كۇشەيتىپ، ەكى ەلدىڭ ءوزارا ءتيىمدى سەلبەستىگىن زاڭدىق كەپىلمەن قامداپ، كوپ جاقتى مەحانيزمدەگى سايكەسۋدى، سەلبەسۋدى تەرەڭدەتۋدى قالايدى.

لي شۋەيۇڭ مىنانى ءبىلدىردى: كورەيا مەن جۇڭگو ديپلوماتيالىق قارىم - قاتىناس ورناتقاننان بەرى ەكى ەلدىڭ ساياسي، ەكونوميكا، گۋمانيتارلىق سياقتى سالالارداعى سەلبەستىگىندە سۇبەلى تابىستارعا قول جەتتى. كورەيا پارلامەنتى جۇڭگو مەملەكەتتىك حالىق قۇرىلتايىمەن اۋىس ـ كۇيىس مەحانيزمى سەلبەستىگىن تەرەڭدەتىپ، ەكى ەلدىڭ ەكونوميكا ـ ساۋدا سەلبەستىگىن جەبەۋگە، ەكى ەل حالقىنىڭ دوستىق سۇيىسپەنشىلىگىن كۇشەيتۋگە ۇلەس قوسۋدى ءۇمىت ەتەدى.

كەلۋ قاينارى: حالىق تورابى