ديڭ شۋەشياڭ ا ق ش ـ نىڭ بۇرىنعى قازىنا مينيسترى پاۋلسونمەن كەزدەستى

شينحۋا اگەنتتىگى، 7 - ايدىڭ 10 ـ كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 7 - ايدىڭ 10 ـ كۇنى بەيجيڭدە ا ق ش ـ نىڭ بۇرىنعى قازىنا مينيسترى پاۋلسونمەن كەزدەستى.

ديڭ شۋەشياڭ مىنالاردى ءبىلدىردى: تاياۋدا ءتوراعا شي جينپيڭ ۋادە بويىنشا ترامپ زۇڭتۇڭمەن تەلەفوندا سويلەستى، ەكى ەلدىڭ مەملەكەت باسشىلارى ماڭىزدى ورتاق تانىمعا كەلدى. جۇڭگو مەن ا ق ش - نىڭ ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىكتەنۋ پرينسيبى بويىنشا سەلبەستىكتى كۇشەيتۋى جۇڭگو ـ ا ق ش قارىم - قاتىناسىنىڭ باياندى، اقاۋسىز دامۋىنا ءتيىمدى، ەكى ەلگە باقىت جاراتىپ، دۇنيە جۇزىنە تيىمدىلىك جاسايدى. جۇڭگو _ قازىرگى اۋمالى - توكپەلى دۇنيە جۇزىندەگى ەڭ ۇلكەن تۇراقتىلىق فاكتورى. ا ق ش ـ نىڭ جۇڭگونىڭ دامۋىنا دۇرىس مامىلە جاساپ، جۇڭگونىڭ وزەكتى مۇددەسى مەن كوڭىل ءبولىپ وتىرعان كەلەلى ماسەلەلەرىنە قۇرمەت ەتىپ، ءوزارا ءتيىمدى، ورنىقتى ەكونوميكا ـ ساۋدا قارىم - قاتىناسىن دامىتىپ، ءىرى ەلدىك جاۋاپكەرشىلىكتى بىرگە ارقالاۋىن ءۇمىت ەتەمىز. پاۋلسون قور قوعامى مەن ا ق ش كاسىپورىندارىنىڭ جۇڭگوعا كەلىپ سەلبەستىك ورىستەتىپ، جۇڭگو مەن ا ق ش ـ نىڭ ءوزارا سەنىمدىلىگى مەن سەلبەستىگىن جەبەۋدە بەلسەندى رول اتقارۋىن قارسى الامىز.

پاۋلسون مىنانى ءبىلدىردى: ا ق ش ـ جۇڭگو قارىم - قاتىناسى دۇنيە ءجۇزى ەكونوميكاسىنىڭ ورنىقتىلىعى مەن دامۋىنا سايادى، ەكى جاق قارىم ـ قاتىناستى كۇشەيتىپ، ءوزارا سەنىمدىلىكتى ارتتىرۋى كەرەك. مەن وسى ءۇشىن بەلسەندى رول اتقارۋدى قالايمىن.

كەلۋ قاينارى: حالىق تورابى