شي جينپيڭ الەمدىك وركەنيەتتەر تىلدەسۋى مينيستر دارەجەلىلەر ماجىلىسىنە قۇتتىقتاۋ حاتىن جولدادى

شينحۋا اگەنتتىگىنىڭ 7 ـ ايدىڭ 10 ـ كۇنى بەيجيڭنەن بەرگەن حابارى. 7 ـ ايدىڭ 10 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ الەمدىك وركەنيەتتەر تىلدەسۋى مينيستر دارەجەلىلەر ماجىلىسىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: الۋان ءتۇرلى وركەنيەت — دۇنيە ءجۇزىنىڭ قاسيەتى. تاريح بىزگە وركەنيەتتىڭ گۇلدەنىپ ـ كوركەيۋى دە، ادامزاتتىڭ العا باسۋى دا وركەنيەتتەر اۋىس ـ كۇيىسىنەن، ءوزارا ۇلگى الۋىنان ايرىلا المايتىندىعىن ۇعىندىردى. كەزەكتە حالىقارالىق جاعدايدا وزگەرىس پەن بىلىقپالىق قاباتتاسىپ، ادامزات جاڭا جول ايىرىعىندا تۇر، وركەنيەتتەر اۋىس ـ كۇيىسى ارقىلى وركەنيەتتەر كىربەڭدىگىنەن اتتاپ ءوتۋدى، وركەنيەتتەردىڭ ءوزارا ۇلگى الۋى ارقىلى وركەنيەتتەر قاقتىعىسىنان اتتاپ ءوتۋدى شۇعىل قاجەت ەتىپ وتىر.

شي جينپيڭ بىلاي دەپ باسا دارىپتەدى: جۇڭگو ءار ەلمەن بىرگە تەرەزەسى تەڭ، ءوزارا ۇلگى الاتىن، تىلدەسەتىن، سيىسىمدى وركەنيەت كوزقاراسىن ۇستانىپ، الەمدىك وركەنيەت باستاماسىن امالياتتا ايگىلەپ، الەمدىك وركەنيەتتەردىڭ تىلدەسۋ، سەلبەسۋ تورىن قۇرۋدى ىلگەرىلەتىپ، ادامزات وركەنيەتىنىڭ العا باسۋىنا، دۇنيە ءجۇزىنىڭ بەيبىت دامۋىنا تىڭ قوزعاۋشى كۇش قوسۋدى قالايدى. ۋاكىلدەردىڭ ىشكەرىلەي اۋىس ـ كۇيىس جاساپ، ورتاق تانىم ۇيىستىرىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن، تۇرلىشە وركەنيەتتىڭ جاراسىمدى قاتار ءومىر ءسۇرۋىن جەبەۋگە اقىل ـ پاراسات جانە كۇش ـ قۋات ارناۋىن ءۇمىت ەتەمىن.

الەمدىك وركەنيەتتەر تىلدەسۋى مينيستر دارەجەلىلەر ءماجىلىسى 7 ـ ايدىڭ 10 ـ كۇنى بەيجيڭدە اشىلدى، نەگىزگى تاقىرىبى — ”ادامزات وركەنيەتىنىڭ الۋان تۇرلىلىگىن قورعاپ، دۇنيە ءجۇزىنىڭ بەيبىت دامۋىن بىرگە جەبەۋ“، جۇڭگو كوممۋنيستىك پارتياسى ورتالىق كوميتەتى ۇگىت ءبولىمى مەن جۇڭگو كوممۋنيستىك پارتياسى ورتالىق كوميتەتى شەتەلدەرمەن بايلانىس جاساۋ ءبولىمى بىرگە وتكىزدى.

كەلۋ قاينارى: حالىق تورابى