مادەنيەت سەنىمىن بەكەمدەپ، تۇرمىستىڭ قۇنارلى توپىراعىنا تامىر تارتىپ، ءداۋىر رۋحىن جىرلايتىن، حالىقتىڭ جۇرەك ءۇنىن جەتكىزەتىن ءتىپتى دە كوپ تاڭداۋلى تۋىندىنى قۇلشىنا جاراتۋ كەرەك

جاۋاپ حات

تيان حۋا قاتارلى 8 جولداس:

جازعان حاتتارىڭىزدى كورگەنىمدە، سىزدەر ات سالىسىپ جاراتقان جۇرتقا تانىمال سول كلاسسيكالىق كينولاردى ەرىكسىز ەسكە الدىم. ۇزاق ۋاقىتتان بەرى، سىزدەر پارتيا مەن حالىقتى قىزۋ ءسۇيۋدى، كوركەمونەر مۇراتىنا تاباندى بولۋدى كوكەيدە ساقتاپ، جاندى دا جالىندى ەكران وبرازىن سومداپ، نەشە ۇرپاق كورەرمەنگە تاماشا ەستەمە قالدىردىڭىزدار.

جاڭا جورىقتا سىزدەردىڭ ءمورالدى قاستەرلەپ، كوركەمونەردى ارداقتاۋ جاعىندا ۇزدىكسىز ونەگە كورسەتىپ، قالىڭ كينو قىزمەتكەرىن مادەنيەت سەنىمىن بەكەمدەپ، تۇرمىستىڭ قۇنارلى توپىراعىنا تامىر تارتۋعا جەتەكتەپ، ءداۋىر رۋحىن جىرلايتىن، حالىقتىڭ جۇرەك ءۇنىن جەتكىزەتىن ءتىپتى دە كوپ تاڭداۋلى تۋىندىنى قۇلشىنا جاراتىپ، ادەبيەت ـ كوركەمونەر ىستەرىن گۇلدەندىرۋگە، دامىتۋعا، مادەنيەتتە قۋاتتى ەل قۇرۋعا جاڭا ۇلەس قوسۋلارىڭىزدى ءۇمىت ەتەمىن.

شي جينپيڭ

2025 ـ جىلى 7 ـ ايدىڭ 10 ـ كۇنى

(شينحۋا اگەنتتىگىنىڭ 7 ـ ايدىڭ 11 ـ كۇنى بەيجيڭنەن بەرگەن حابارى)

شينحۋا اگەنتتىگىنىڭ 7 ـ ايدىڭ 11 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تيان حۋا قاتارلى 8 كوركەمونەرشىگە جاۋاپ حات قايتارىپ، كينو قىزمەتكەرلەرىنە شىنايى ءۇمىت ارتتى.

شي جينپيڭ جاۋاپ حاتىندا بىلاي دەدى: جازعان حاتتارىڭىزدى كورگەنىمدە، سىزدەر ات سالىسىپ جاراتقان جۇرتقا تانىمال سول كلاسسيكالىق كينولاردى ەرىكسىز ەسكە الدىم. ۇزاق ۋاقىتتان بەرى، سىزدەر پارتيا مەن حالىقتى قىزۋ ءسۇيۋدى، كوركەمونەر مۇراتىنا تاباندى بولۋدى كوكەيدە ساقتاپ، جاندى دا جالىندى ەكران وبرازىن سومداپ، نەشە ۇرپاق كورەرمەنگە تاماشا ەستەمە قالدىردىڭىزدار.

شي جينپيڭ بىلاي دەپ باسا دارىپتەدى: جاڭا جورىقتا ءمورالدى قاستەرلەپ، كوركەمونەردى ارداقتاۋ جاعىندا ۇزدىكسىز ونەگە كورسەتىپ، قالىڭ كينو قىزمەتكەرىن مادەنيەت سەنىمىن بەكەمدەپ، تۇرمىستىڭ قۇنارلى توپىراعىنا تامىر تارتۋعا جەتەكتەپ، ءداۋىر رۋحىن جىرلايتىن، حالىقتىڭ جۇرەك ءۇنىن جەتكىزەتىن ءتىپتى دە كوپ تاڭداۋلى تۋىندىنى قۇلشىنا جاراتىپ، ادەبيەت ـ كوركەمونەر ىستەرىن گۇلدەندىرۋگە، دامىتۋعا، مادەنيەتتە قۋاتتى ەل قۇرۋعا جاڭا ۇلەس قوسۋلارىڭىزدى ءۇمىت ەتەمىن.

جۋىقتا تيان حۋا، ۋاڭ شينگاڭ، جاڭ لياڭ، تاۋ يۇيليڭ، شياۋ گۇييۇن، پان حۇڭ، سۇڭ شاۋيىڭ، چىن داۋميڭ قاتارلى 8 كينو كوركەمونەرشىسى باس شۋجي شي جينپيڭگە حات جازىپ، وزدەرىنىڭ نەشە 10 جىلدان بەرگى كينو قىزمەتىمەن شۇعىلدانۋ جاعدايىنان جانە اسەرلەرىنەن مالىمەت بەرىپ، كينو ىستەرىنىڭ دامۋىن ىلگەرىلەتۋگە، مادەنيەتتە قۋاتتى ەل قۇرۋعا كۇش قوسۋ بەكىمدەرىن ءبىلدىردى.

كەلۋ قاينارى: حالىق تورابى