حان جىڭ وڭتۇستىك افريكا زۇڭتۇڭىنىڭ ورىنباسارى ماشاتيلايمەن كەزدەستى

شينحۋا اگەنتتىگى، 7 - ايدىڭ 17 ـ كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 7 - ايدىڭ 17 ـ كۇنى بەيجيڭدە وڭتۇستىك افريكا زۇڭتۇڭىنىڭ ورىنباسارى ماشاتيلايمەن كەزدەستى.

حان جىڭ مىنالاردى ءبىلدىردى: بىلتىر 9 ـ ايدا ءتوراعا شي جينپيڭ راماپوسا زۇڭتۇڭمەن ءساتتى كەڭەس وتكىزىپ، ەكى ەل قارىم - قاتىناسىن جاڭا داۋىردەگى جان ـ جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرۋدى بىرگە جاريالاپ، جوعارى دەڭگەيدەگى جۇڭگو ـ وڭتۇستىك افريكا تاعدىرلاس ورتاق تۇلعاسىن قۇرۋدىڭ تىڭ پاراعىن اشتى. الدىڭعى جىلى زۇڭتۇڭنىڭ ورىنباسارى مىرزامەن بىرگە جۇڭگو ـ وڭتۇستىك افريكا ەلدەرى ەكى جاقتى كوميتەتىنىڭ 8 ـ رەتكى جالپى ءماجىلىسىن باسقارىپ اشىپ، ەكى ەلدىڭ ءار سالاداعى سەلبەستىگىنىڭ كەڭ كولەمدى تابىستارعا قول جەتكىزۋىن ىلگەرىلەتتىك. ەكى جاق ەكى ەل مەملەكەت باسشىلارى كەلىسكەن ماڭىزدى ورتاق تانىمدى اناعۇرلىم ويداعىداي تياناقتاندىرىپ، ساياسي سەنىمدىلىكتى ۇزدىكسىز كۇشەيتىپ، ەكى جاقتى سەلبەستىكتىڭ جوعارى ساپالى دامۋىن ىلگەرىلەتىپ، وزدەرىنىڭ وسىزامانداندىرۋ ىستەرىنە قىزمەت ەتۋى كەرەك.

ماشاتيلاي مىنانى ءبىلدىردى: وڭتۇستىك افريكا وڭتۇستىك افريكا مەن جۇڭگونىڭ جاڭا داۋىردەگى جان ـ جاقتى ستراتەگيالىق سەلبەستىك سەرىكتەستىك قارىم - قاتىناسىنا ايرىقشا ءمان بەرەدى، ءبىر جۇڭگو ساياساتىن باتىل اتقارادى، ەكى ەلدىڭ ساۋدا، قارجى قوسۋ سياقتى سالالارداعى سەلبەستىگى پارمەندى دامىدى. ەكى ەل مەملەكەت باسشىلارىنىڭ ورتاق تانىمىن اناعۇرلىم تياناقتاندىرىپ، وڭتۇستىك افريكا ـ جۇڭگو، افريكا ـ جۇڭگو قارىم - قاتىناسىنىڭ دامۋىن ىلگەرىلەتۋگە ۇلەس قوسۋدى قالايمىز.