شي جينپيڭ دۇنيە جۇزىلىك جاستار بەيبىتشىلىك جينالىسىنا حات جولدادى

شينحۋا اگەنتتىگى، 7 - ايدىڭ 29 - كۇنى، بەيجيڭ. 7 - ايدىڭ 29 - كۇنى مەملەكەت ءتوراعاسى شي جينپيڭ دۇنيە جۇزىلىك جاستار بەيبىتشىلىك جينالىسىنا حات جولدادى.

شي جينپيڭ بىلاي دەپ اتاپ كورسەتتى: بيىل _ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعى. 80 جىلدىڭ الدىندا جۇڭگو حالقى دۇنيە ءجۇزى حالقىمەن بىرگە اسا ماشاقاتتى قاندى شايقاس جۇرگىزۋ ارقىلى فاشيزمدى تۇبەگەيلى جەڭىپ، وڭاي - وسپاق قولعا كەلمەگەن بەيبىتشىلىككە قول جەتكىزدى.

شي جينپيڭ بىلاي دەپ باسا دارىپتەدى: بەيبىتشىلىكتىڭ بولاشاعى جاستارعا جۇكتەلگەن. ءار ەلدەگى جاس دوستاردىڭ وسى رەتكى جينالىستى وراي ەتىپ، يدەيا اۋىستىرىپ، ءتۇسىنىسۋدى كۇشەيتىپ، دوستىققا قول جەتكىزىپ، بەيبىتشىلىك ۇستانىمىن دارىپتەۋشى، بەيبىت دامۋدىڭ ارەكەت جاساۋشىسى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل - پاراساتى مەن كۇش - قۋاتىن ارناۋىن ءۇمىت ەتەمىن.

دۇنيە جۇزىلىك جاستار بەيبىتشىلىك جينالىسى سول كۇنى بەيجيڭدە وتكىزىلدى، نەگىزگى تاقىرىبى ”بەيبىتشىلىك ءۇشىن“ بولدى، جۇڭگو حالىق شەتەلدەرمەن دوستىق قوعامى جانە جۇڭحۋا مەملەكەتتىك جاستار بىرلەستىگى بىرگە وتكىزدى.