«شي جينپيڭنىڭ مادەنيەت سۇيىسپەنشىلىگى» شاڭحاي سەلبەستىك ۇيىمى ەلدەرىنىڭ نەگىزگى اقپارات قۇرالدارىندا تاراتىلدى

«حالىق گازەتى»، 8 - ايدىڭ 25 - كۇنى، بەيجيڭ (ءتىلشى ليۋ ياڭ). 2025 - جىلعى شاڭحاي سەلبەستىك ۇيىمى باسشىلار ءماجىلىسى اشىلۋ قارساڭىندا، ورتالىق راديو - تەلەۆيزيا باس ستانسياسى جاساعان «شي جينپيڭنىڭ مادەنيەت سۇيىسپەنشىلىگى» اتتى ارناۋلى فيلمدى شاڭحاي سەلبەستىك ۇيىمى ەلدەرىنىڭ نەگىزگى اقپارات قۇرالدارىندا باستاپ قويۋ قيمىلى 8 - ايدىڭ 25 - كۇنى بەيجيڭدە وتكىزىلدى. قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى شاھباز قۇتتىقتاۋ حاتىن جولداپ، باعدارلامانىڭ قويىلعانىن قىزۋ قۇتتىقتادى. وسى كۇننەن باستاپ باعدارلاما رەسەي، قازاقستان، قىرعىزستان، پاكيستان، يران، بەلورۋسسيا سياقتى شاڭحاي سەلبەستىك ۇيىمى ەلدەرىنىڭ نەگىزگى اقپارات قۇرالدارىندا تاراتىلادى.

«شي جينپيڭنىڭ مادەنيەت سۇيىسپەنشىلىگىندە» ءتوراعا شي جينپيڭنىڭ مادەنيەتكە مۇراگەرلىك ەتۋ جانە ونى دامىتۋعا كوڭىل بولگەندەگى جاندى اڭگىمەلەرى دەن قويا تاڭداپ الىنىپ، حالىقاراداعى كورەرمەندەرگە شي جينپيڭ مادەنيەت يدەياسىنىڭ جاۋھارى مەن ءمانىن جانە ءتوراعا شي جينپيڭنىڭ ەل باسقارۋ ۇستانىمىنىڭ تەرەڭ مادەنيەت نەگىزىن ءتۇسىندىرىپ، ”مادەنيەت ارقىلى مەملەكەتتى گۇلدەندىرۋ، مادەنيەت ارقىلى ۇلتتى قۇدىرەتتەندىرۋ“ سىندى قۇن ۇستانىمى جاندى ءتۇسىندىرىلدى. باعدارلامادا شي جينپيڭ قىزمەت ىستەگەن نەمەسە تەكسەرۋ - زەرتتەۋ جۇرگىزگەن جەرلەردى ارالاۋ نەگىزىندە، ونىمەن بىرگە ىستەگەن ادامدارعا ىشكەرىلەي تىلشىلىك ىستەلىپ، جاندى دا جالىندى مىسالدار كەلتىرىلىپ، جاڭا داۋىردەگى جۇڭگونىڭ وركەنيەت قاينارىنا زەر سالۋ، مادەنيەت مۇرالارىن قورعاۋ سياقتى جاقتارداعى امالياتتىق قۇلشىنىستارى جان - جاقتى ايگىلەنىپ، جۇڭحۋا مادەنيەتىنىڭ قاينارى ۇزاق تاريحي نەگىزى، باي مازمۇندى ىشكى ەرەكشەلىگى جانە بارلىعىن قامتىعان اشىق پەيىلى ايگىلەندى.

قيمىل الاڭىندا ورتالىق راديو - تەلەۆيزيا باس ستانسياسىنىڭ تاڭداۋلى باعدارلامالارىن كورسەتۋ قاتار باستالدى. «جۇڭگو ۇلگىسىندەگى وسىزامانداندىرۋ جولى»، «جۇڭگودا كۇرەس جاساۋ»، «جاسىل دانەكەر: جۇڭگو تاجىريبەسى ورتا ازيانىڭ جاڭا ومىرشەڭدىك كۇشىن جوعارىلاتتى»، «زەردەلى جاساۋدىڭ بولاشاعى: جۇڭگونىڭ جاڭا ەنەرگيالى تۇتاس كاسىپ سالاسى تىزبەگىنىڭ سىرىن اشۋ»، جۇڭگونىڭ عىلىم - تەحنيكادا جاڭالىق اشۋ سالتاناتى»، «سالەمەتسىز بە، قۇلتەمىر!»، «اۋەدەن كەسكىنگە تۇسىرىلگەن جۇڭگو . شيزاڭ ءبولىمى»، «سالت - سانا، شينجياڭ ءبولىمى» سياقتى باس ستانسيانىڭ 20 نەشە سارا تۋىندىسى شاڭحاي سەلبەستىك ۇيىمىنا مۇشە ەلدەردىڭ 30 نەشە نەگىزگى اقپارات قۇرالىندا ىركەس - تىركەس قويىلىپ، شاڭحاي سەلبەستىك ۇيىمىنا مۇشە ەلدەردىڭ كورەرمەندەرىنە ىرگەلەس كورشى بولعان، جاراسىمدى قاتار ءومىر سۇرگەن ”شاڭحاي سەلبەستىك ۇيىمىنىڭ سۇيىسپەنشىلىگىن“ بىرگە سەزىندىرەدى.

كەلۋ قاينارى: حالىق تورابى