ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 13 - ءماجىلىسى اشىلدى

«حالىق گازەتى»، 8 - ايدىڭ 25 - كۇنى، بەيجيڭ (ءتىلشى جياڭ جيە). ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 13 - ءماجىلىسى 8 - ايدىڭ 25 - كۇنى تۇستەن بۇرىن بەيجيڭدە اشىلدى، ءماجىلىس ”حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ“ توڭىرەگىندە ۇكىمەت ءىسىن كەڭەستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اشىلۋ ءماجىلىسىن باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ۇسىنىس بويىنشا ماجىلىسكە قاتىناستى ءارى بايانداما جاسادى.

ۋاڭ حۋنيڭ باسقارۋ سوزىندە مىنالاردى ءبىلدىردى: ”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەپ، جاپپاي كۇش سالاتىن شەشۋشى مەزگىل، ”15 - بەسجىلدىق“ مەزگىلىندەگى دامۋدى ويداعىداي جوسپارلاۋ توتەنشە ماڭىزدى. مەملەكەتتىك ساياسي كەڭەس تۇراقتى كوميتەتىنىڭ قۇرامىنداعىلار باس شۋجي شي جينپيڭنىڭ ”15 - بەسجىلدىق“ جوبانى جاساۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كۇشتى ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن سوتسياليستىك وسىزامانداندىرۋدى نەگىزىنەن جۇزەگە اسىرۋدى تىعىز توڭىرەكتەپ، ساياسي كەڭەس تۇراقتى كوميتەتى ءماجىلىسىنىڭ نەگىزى تاقىرىبىن مىقتاپ يگەرىپ، بەلسەندىلىكپەن اقىل - كەڭەس، ۇسىنىس بەرىپ، ”15 - بەسجىلدىق“ جوبانى عىلمىي جاساۋ ءۇشىن اقىل قوسىپ، كۇش شىعارۋى كەرەك.

ديڭ شۋەشياڭ بايانداماسىندا بىلاي دەپ اتاپ كورسەتتى: ”15 - بەسجىلدىق“ جوبانى جاساۋ جانە اتقارۋ پارتيانىڭ 20 - قۇرىلتايىنىڭ ستراتەگيالىق ورنالاستىرۋىن جاپپاي تياناقتاندىرۋدا، جۇڭگو ۇلگىسىندەگى وسىزامانداندىرۋدى ىلگەرىلەتۋدە كەلەلى ماڭىز الادى. ”15 - بەسجىلدىقتان“ بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قيىندىقتان تايسالماي العا ۇمتىلىپ، ەكپىندەي العا تارتتى، ەلىمىزدىڭ ەكونوميكالىق، قوعامدىق دامۋى ءبىرقىدىرۋ جاڭا ۇلى تابىستارعا قول جەتكىزدى، ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى. ”15 - بەسجىلدىق“ جوبا مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەپ، جاپپاي كۇش سالاتىن شەشۋشى مەزگىل، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، دامۋ جاعدايىنداعى جاڭا وزگەرىستەردى، جاڭا تالاپتاردى دۇرىس يگەرىپ، ىشكەرىلەي دالەلدەپ، كوپتىڭ اقىل - پاراساتىن شوعىرلاندىرىپ، ”15 - بەسجىلدىق“ جوبانى جوعارى ساپامەن جاساپ، نىسانا - مىندەتتەردى ۇيلەسىمدى بەلگىلەپ، كەلەلى ستراتەگيالىق شارالاردى دالمە - ءدال جوسپارلاپ اتقارۋ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.

اشىلۋ ءماجىلىسى مەملەكەتتىك ساياسي كەڭەس ءتوراعالار ءماجىلىسىنىڭ مەملەكەتتىك ساياسي كەڭەستىڭ 2025 - جىلدىڭ العاشقى جارتىسىنداعى قىزمەت جاعدايى جونىندەگى بايانداماسىن جانە «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەتى ەرەجەسىن (وزگەرىس ەنگىزىلگەن جوبا)» جازۋ جاعدايى جونىندەگى تۇسىندىرمەسىن تىڭدادى.

وسى رەتكى ساياسي كەڭەس تۇراقتى كوميتەتىنىڭ ءماجىلىسى ەكى كۇنگە جالعاسادى، ساياسي كەڭەس تۇراقتى كوميتەتىنىڭ قۇرامىنداعىلار 8 ارناۋلى تاقىرىپ توڭىرەگىندە گرۋپپالارعا ءبولىنىپ تالقى جۇرگىزەدى.

مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە بايانداما جانە تۇسىنىك جاسادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى