جەكەلەرگە تۇتىنۋعا العان قارىزىنىڭ ءوسىمىن تولەۋگە قوسىمشا قاراجات بەرۋ ساياساتى 9 – ايدىڭ 1 – كۇنىنەن باستاپ اتقارىلادى 

شينحۋا اگەنتتىگىنىڭ ءتىلشىسى ۋ يۇي 9 – ايدىڭ 1 – كۇنى بەيجيڭنەن حابارلايدى. 9 – ايدىڭ 1 – كۇنىنەن باستاپ، جەكەلەرگە تۇتىنۋعا العان قارىزىنىڭ ءوسىمىن تولەۋگە قوسىمشا قاراجات بەرۋ ساياساتى رەسمي اتقارىلادى. جۋىردا كوپتەگەن بانكەلەر قاتىستى قىزمەتتەر جونىندە بەلسەندى ورنالاستىرۋ جاساپ، ساياساتتىڭ اتقارىلۋىن جەدەل ىلگەرىلەتىپ، بارشا تۇتىنۋشىلاردىڭ ”اقشانى ۇنەمدەۋمەن بەرگە الاڭسىز تۇتىنۋىنا“ شارت – جاعداي جاراتۋعا كۇش سالعان.

8 – ايدىڭ ورتا شەنىندە، قازىنا مينيسترلىگى قاتارلى تاراۋلار «جەكەلەرگە تۇتىنۋعا العان قارىزىنىڭ ءوسىمىن قايتارۋعا قازىنادان قوسىمشا قاراجات بەرۋ ساياساتىن اتقارۋ جوباسىن» جاريالاعان، بۇل ورتالىق قازىنانىڭ تۇڭعىش رەت جەكەلەرگە تۇتىنۋعا العان قارىزىنىڭ ءوسىمىن قايتارۋعا قوسىمشا قاراجات بەرۋى. ءوسىم قايتارۋ قوسىمشا قاراجاتىنا قاتىستى ساياساتتىڭ قولداۋ كورسەتۋ كولەمى 2025 – جىلى 9 – ايدىڭ 1 – كۇنىنەن باستاپ، 2026 – جىلى 8 – ايدىڭ 31 – كۇنىنە دەيىنگى ارالىقتا، تۇرعىندار قارىز بىتىرەتىن قۇرىلىمدار تاراتقان جەكەلىك تۇتىنۋ قارىزىنان (كرەديت كارتۋچكاسىنان پايدالانۋ قامتىلمايدى) ءىس جۇزىندە تۇتىنعان، ونىڭ ۇستىنە، قارىز ءبىتىرۋشى قۇرىلىمدار قارىز تاراتقان ەسەپ ءنومىرى ارقىلى قارىز الۋشىنىڭ قاتىستى تۇتىنۋ ينفورماتسياسىن پارىقتاي الاتىن بولىگى.

ساياسات جاريالانعاننان كەيىن، بانكەلەر دەرەۋ ىسكە كىرىستى. ونەركاسىپ – ساۋدا بانكەسى، اۋىل شارۋاشىلىعى بانكەسى، جۇڭگو بانكەسى، قۇرىلىس بانكەسى قاتارلى ءتورت بانكە 2025 – جىلى 9 – ايدىڭ 1 – كۇنىنەن باستاپ، شارتقا ساي كەلەتىن جەكەلەرگە تۇتىنۋعا العان قارىزىنىڭ ءوسىمىن قايتارۋعا قوسىمشا قاراجات بەرەتىنىن، جەكەلەرگە تۇتىنۋعا العان قارىزىنىڭ ءوسىمىن قايتارۋعا قوسىمشا قاراجات بەرۋ بارىسىندا ەشقانداي قىزمەت وتەۋ اقىسىن المايتىنىن بىلدىرگەن. جۇڭشين بانكەسى، پۋفا بانكەسى، شيڭيە بانكەسى قاتارلى جارنالىق تۇزىمدەگى بانكەلەر دە شارا جاريالاپ، قاتىستى ورنالاستىرۋلاردى ايقىنداپ، ءوتىنىش بەرۋ، سۇراستىرۋ قاتارلى ناقتى ماسەلەلەر جونىندە تۇسىنىك جاساعان.

كەلۋ قاينارى: حالىق تورابى