شي جينپيڭ گۆيانانىڭ زۇڭتۇڭى اليعا قۇتتىقتاۋ تەلەگرامماسىن جولدادى

شينحۋا اگەنتتىگى، 9 - ايدىڭ 11 - كۇنى، بەيجيڭ. 9 - ايدىڭ 10 - كۇنى مەملەكەت ءتوراعاسى شي جينپيڭ اليعا تەلەگرامما جولداپ، ونىڭ گۆيانا سەلبەستىك رەسپۋبليكاسىنىڭ زۇڭتۇڭى بولىپ تاعى دا تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: گۆيانا _ كارايب وڭىرىندەگى جۇڭگومەن ەڭ ەرتە ديپلوماتيالىق قارىم - قاتىناس ورناتقان مەملەكەت. ديپلوماتيالىق قارىم - قاتىناس ورناتقان 53 جىلدان بەرى جۇڭگو - گۆيانا قارىم - قاتىناسى اقاۋسىز، ورنىقتى دامىپ، ءار سالاداعى ناقتى سەلبەستىكتە سۇبەلى تابىستارعا قول جەتكىزىلىپ، كوپ جاقتى ىستەردە تىعىز سايكەسىپ وتىردىق. 2023 - جىلى 7 - ايدا ءبىز چىڭدۋدا ديدارلاسىپ، ەكى ەل قارىم - قاتىناسىنىڭ دامۋى جونىندە ماڭىزدى ورتاق تانىمعا كەلدىك. مەن الي زۇڭتۇڭمەن بىرگە قۇلشىنىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ اياسىندا ەكى جاقتى ءوزارا ءتيىمدى دوستىق سەلبەستىكتى تەرەڭدەتىپ، جۇڭگو - گۆيانا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى