وقۋ – اعارتۋ مينيسترلىگى مەكتەپ اۋلاسىنداعى ازىق – تۇلىك حاۋىپسىزدىگى مەن وقۋشىلاردىڭ قورەكتىگىن جاقسارتۋ جوسپارىنىڭ ارناۋلى قارجىسىن تەكسەرۋدى ورىستەتتى

جۇڭگو اقپارات تورابىنىڭ 9 – ايدىڭ 14 – كۇنى بەيجيڭنەن بەرگەن حابارى. ”ۋەييان وقىتۋى“ “微言教育” ۋيچات الەۋمەتتىك تەكشەسىنىڭ حابارىنا قاراعاندا، مەكتەپ اۋلاسىنداعى ازىق – تۇلىك حاۋىپسىزدىگىن باسقارۋدى جاپپاي كۇشەيتىپ، اۋىل – قىستاق مىندەتتى وقۋ – اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىنىڭ ارناۋلى قارجىسىنان پايدالانۋدى ارناعا ءتۇسىرىپ، «مەكتەپ تاماعىن» ارناۋلى وڭاۋ تابىسىن بەكەمدەۋ جانە تەرەڭدەتۋ ءۇشىن، تاياۋدا وقۋ – اعارتۋ مينيسترلىگى مەكتەپ اۋلاسىنداعى ازىق – تۇلىك حاۋىپسىزدىگى مەن اۋىل – قىستاق مىندەتتى وقۋ – اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىنىڭ ارناۋلى قارجىسىن تەكسەرۋدى ۇيىمداستىرعان.

تەكسەرۋ گرۋپپاسى قاتىستى ولكەلەرگە بارىپ، اڭگىمەلەسۋ، سۇحباتتاسۋ، ماتەريال كورۋ، ناق مايداندا تەكسەرۋ جانە مەكتەپكە كىرىپ بىرگە تاماقتانۋ قاتارلى تاسىلدەر ارقىلى قاتاڭ تەكسەرۋ جۇرگىزدى. ءبىرىنشى، جاۋاپكەرشىلىكتىڭ تياناقتانۋ احۋالى. وقۋ - اعارتۋ اكىمشىلىك تاراۋلارىنىڭ ازىق - تۇلىك حاۋىپسىزدىگىن باقىلاۋ - باسقارۋ جاۋاپكەرشىلىگى مەن مەكتەپتىڭ نەگىزگى تۇلعالىق جاۋاپكەرشىلىگىنىڭ تياناقتانۋ احۋالى، جۇيەدەن مەكتەپ اسحاناسىنىڭ ىشكى بولەگىندەگى تىزگىندەۋ، ازىق - تۇلىك حاۋىپسىزدىگىن باسقارۋ قاتارلى ءتۇزىم قۇرىلىسى مەن ونىڭ اتقارىلۋ احۋالى، مەكتەپ جاۋاپتىلارىنىڭ سەرىك بولۋ ءتۇزىمىنىڭ تياناقتانۋ احۋالى، وقۋ - اعارتۋ اكىمشىلىك تاراۋلارىنىڭ باقىلاۋ - تەكسەرۋ، كاسىپتىك كۋرستان وتكىزۋ قاتارلى احۋالداردى ءتۇيىندى تەكسەردى. ەكىنشى، اسحانانى باسقارۋ احۋالى. ازىق - تۇلىك ماتەريالدارىن جاساۋدىڭ جالپى بارىسىن باسقارۋ جاعدايىن، جۇيەدەن ازىق - تۇلىك ماتەريالدارىن ساتىپ الۋ، جەتكىزۋ، تەكسەرىپ وتكىزىپ الۋ، ساقتاۋ، مانەرلەۋ، ۇلگى قالدىرۋ قاتارلى اس دايارلاۋدىڭ شەشۋشى بۋىندارىن تىزگىندەۋ جاعدايىن ءتۇيىندى تۇردە تەكسەردى. ءۇشىنشى، قازىنانى باسقارۋ احۋالى. ازىق - تۇلىك قاراجاتى قازىناسىن باسقارۋعا قاتىستى احۋالداردى، جۇيەدەن قازىنا ءتۇزىمى قۇرىلىسى، بۇعالتىرلىق ەسەپ - قيسابى، قازىنا - بۇعالتىرلىق باقىلاۋ قاتارلى احۋالداردى ءتۇيىندى تۇردە تەكسەردى. ءتورتىنشى، ازىق - تۇلىك قاراجاتىنىڭ قوسىمشا قاراجاتىن باسقارۋ احۋالى. اۋىل - قىستاق مىندەتتى وقۋ - اعارتۋ ساتىسىنداعى وقۋشىلاردىڭ قورەكتىك كومەك قاراجاتىنىڭ كىرىس - شىعىسىنا قاتىستى احۋالداردى، جۇيەدەن كومەك قاراجاتتى ورنالاستىرۋ، پايدالانۋ، باقىلاۋ - باسقارۋ سياقتى احۋالداردى ءتۇيىندى تۇردە تەكسەردى.

تەكسەرۋ بارىسىندا بايقالعان ماسەلەلەر جونىندە تەكسەرۋ گرۋپپاسى دەرەۋ قاتىستى ولكەلەردىڭ باسقارۋشى تاراۋلارىنا اڭىس ەتىپ، رەتتەۋ ـ تۇزەتۋ تالابىن العا قويىپ، جابىق رەتتەۋ ـ تۇزەتۋدى تياناقتاندىرۋعا قۋزاپ، ماسەلەلەردى رەتتەۋ ـ تۇزەتۋدىڭ تياناقتانۋىنا كەپىلدىك ەتەدى.

كەلۋ قاينارى: حالىق تورابى