شي جينپيڭ شۆەتساريا فەدەراتسياسىنىڭ ءتوراعاسى كەللەر زۋتەرمەن جۇڭگو مەن شۆەتساريانىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 9 - ايدىڭ 14 - كۇنى، بەيجيڭ. 9 - ايدىڭ 14 - كۇنى مەملەكەت ءتوراعاسى شي جينپيڭ شۆەتساريا فەدەراتسياسىنىڭ ءتوراعاسى كەللەر زۋتەرمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن شۆەتساريا − تۇرلىشە قوعامدىق تۇزىمدەگى، تۇرلىشە دامۋ ساتىسىنداعى ەلدەردىڭ دوستىق سەلبەستىگىنىڭ ۇلگىسى. ديپلوماتيالىق قارىم - قاتىناس ورناتقان 75 جىلدان بەرى ەكى جاق ”بارابار بولۋ، جاڭالىق اشۋ، تەڭ يگىلىككە كەنەلۋ“ سىندى جۇڭگو - شۆەتساريا سەلبەستىك رۋحىن قول ۇستاسا جەتىلدىرىپ، ەكى جاقتى، كوپ جاقتى سالالارداعى سەلبەستىكتە سۇبەلى تابىستارعا قول جەتكىزىپ، ەكى ەل حالقىن باقىتقا كەنەلتىپ، كوپ جاقتىلىقتى جانە ەركىن ساۋدانى قورعاۋعا بەلسەندى ۇلەس قوستى. مەن جۇڭگو - شۆەتساريا قارىم - قاتىناسىنىڭ دامۋىنا ايرىقشا ءمان بەرەمىن، ءتوراعا كەللەرمەن بىرگە قۇلشىنىپ، ديپلوماتيالىق قارىم - قاتىناس ورناتۋدىڭ 75 جىلدىعىن وراي ەتىپ، ەكونوميكا - ساۋدا، قازىنا - فينانس سەلبەستىگىن جانە گۋمانيتارلىق اۋىس - كۇيىستى تەرەڭدەتىپ، جۇڭگو مەن شۆەتساريانىڭ جاڭالىق اشۋ ستراتەگيالىق سەرىكتەستىك قارىم - قاتىناسىن تىڭ دەڭگەيگە كوتەرىپ، تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتۋگە تىڭ ۇلەس قوسۋدى قالايمىن.

كەللەر زۋتەر مىنالاردى ءبىلدىردى: 75 جىلدان بەرى شۆەتساريا مەن جۇڭگو اۋىس - كۇيىسكە، پىكىرلەسۋگە، ءوزارا قۇرمەت ەتۋگە جانە ناقتى سەلبەستىككە تاباندى بولىپ، كوپ نەگىزدى، بەرىك سەرىكتەستىك قارىم - قاتىناس ورناتتى. 2014 - جىلى ەكى ەلدىڭ ەركىن ساۋدا كەلىسىمى كۇشكە يە بولدى، 2016 - جىلى جاڭالىق اشۋ ستراتەگيالىق سەرىكتەستىك قارىم - قاتىناسىن ورناتۋ بەلگىلەندى، وسىلاردىڭ بارلىعى شۆەتساريا - جۇڭگو قارىم - قاتىناسىنىڭ بەلەسى بولىپ، ەكى جاقتىڭ ءار سالاداعى سەلبەستىگىنىڭ ۇزدىكسىز كەڭەيگەندىگىنەن جانە تەرەڭدەگەندىگىنەن دەرەك بەرەدى. بولاشاققا كوز جىبەرسەك، شۆەتساريا جۇڭگومەن اۋىس - كۇيىستى، سەلبەستىكتى ۇزدىكسىز تەرەڭدەتىپ، ەكى ەلدىڭ ۇزاق ۋاقىتتىق دوستىعىن كۇشەيتۋدى قالايدى.