شي جينپيڭ ليحتەنشتەيننىڭ ۋاقىتتىق بيلىك جۇرگىزۋشى پاتشا مۇراگەرى الويسپەن جۇڭگو مەن ليحتەنشتەيننىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 9 - ايدىڭ 14 - كۇنى، بەيجيڭ. 9 - ايدىڭ 14 - كۇنى مەملەكەت ءتوراعاسى شي جينپيڭ ليحتەنشتەيننىڭ ۋاقىتتىق بيلىك جۇرگىزۋشى پاتشا مۇراگەرى الويسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 75 جىلدان بەرى جۇڭگو - ليحتەنشتەين ەكى ەل باستان - اياق ءوزارا قۇرمەت ەتۋگە، ءوزارا سەنىم ارتۋعا تاباندى بولىپ، دوستىق اۋىس - كۇيىستى، سەلبەستىكتى بەلسەنە ورىستەتىپ، كوپ جاقتى سالادا تىعىز سايكەسىپ، ۇلكەندى - كىشىلى ەلدەردىڭ تاتۋ - ءتاتتى ءوتۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. مەن جۇڭگو - ليحتەنشتەين قارىم - قاتىناسىنىڭ دامۋىنا ايرىقشا ءمان بەرەمىن، الويس ۋاقىتتىق بيلىك جۇرگىزۋشى پاتشا مۇراگەرىمەن بىرگە قۇلشىنىپ، ەكى ەلدىڭ دوستىعى مەن سەلبەستىگىن ۇزدىكسىز تەرەڭدەتۋدى قالايمىن.

الويس مىنالاردى ءبىلدىردى: ديپلوماتيالىق قارىم - قاتىناس ورناتقاننان بەرى ليحتەنشتەين مەن جۇڭگو دوستىقتى ۇستانىپ، ەكى جاقتى بارىس - كەلىستى تەرەڭدەتىپ، سەلبەستىك سالاسىن كەڭەيتىپ، ءوزارا قولداۋدى كۇشەيتىپ، ورنىقتى، ءوزارا سەنىمدى سەرىكتەستىك قارىم - قاتىناستى بىرگە دامىتتى، بۇل قازىرگى سىن - سايىس ءجيى تۋىلىپ وتىرعان داۋىردە توتەنشە ماڭىزدى. مەن ليحتەنشتەين مەن جۇڭگونىڭ بولاشاقتا اۋىس - كۇيىستى، سەلبەستىكتى ۇزدىكسىز كۇشەيتىپ، دامۋدى، گۇلدەنۋدى بىرگە جەبەيتىندىگىنە كامىل سەنەمىن.