جۇڭگو اۋرۋدى تىزگىندەۋ ورتالىعى: جۇقپالى تۇماۋ قاتارلى جۇقپالى اۋرۋلار بىرتىندەپ كوپ تۋىلاتىن مەزگىلگە ءوتتى

9 – ايدىڭ 22 – كۇنى، جۇڭگو اۋرۋدى تىزگىندەۋ ورتالىعىنىڭ اعا زەرتتەۋشىسى حان جۇن اۋا رايىنىڭ سۋىتۋىنا بايلانىستى، جۇقپالى تۇماۋ قاتارلى جۇقپالى اۋرۋلار بىرتىندەپ كوپ تۋىلاتىن مەزگىلگە وتكەندىگىن، بۇقارانىڭ جۇقپالى تۇماۋ ۆاكسيناسىن دەر كەزىندە ەگۋىن ۇسىنىس ەتتى.

ەلىمىز بۇكىل ەلدى قامتىعان جۇقپالى تۇماۋ ۆيرۋسىن باقىلاۋ تورابىن قۇردى. ”ءار جىلى جۇقپالى تۇماۋ ۆاكسيناسىن ەگۋدى ۇسىنىس ەتەمىز، جۇعىمدالۋدان بۇكىلدەي ساقتانۋعا بولماسا دا، ءبىراق بۇل جانە دە جۇقپالى تۇماۋدىڭ الدىن الۋداعى ەڭ ءونىمدى، ەڭ ۇنەمدى ءتاسىل.“ حان جۇن بىلاي دەدى: ۆاكسينا ەككەننەن كەيىن ينفەكسيالانسا دا، وكپە قابىنۋ، السىرەۋ قاتارلى اۋىر قوسانجار اۋرۋلاردىڭ تۋىلۋ قاتەرىن تومەندەتۋگە بولادى. اسىرەسە، قارتتار مەن بالالار قاتارلى يممۋنيتەتتىك قۋاتى ءبىرشاما تومەن ادامداردىڭ ۆاكسينا ەككىزۋى بالنيتساعا جاتۋ، سالماقتى ناۋقاس، ءتىپتى ءولىم - ءجىتىم قاتەرىن ءونىمدى تۇردە ازايتادى.

جۇقپالى تۇماۋدان ساقتانۋدا كۇندەلىكتى قورعانۋدى كۇشەيتۋ كەرەك، مىسالى، قولدى ۇنەمى جۋۋ، ماسكىنى عىلىمي تاعۋ، بولمە ءىشىنىڭ اۋاسىن الماستىرۋ قاتارلىلار. قىزۋ، جوتەلۋ، مۇرىننان سۋ اعۋ قاتارلى اۋرۋ بەلگىلەرى بايقالسا نەمەسە جۇقپالى تۇماۋ دەپ دياگنوز قويىلسا، باسقالارمەن جۇعىسۋدى ازايتۋ ءارى ماسكى تاعۋ، ۆيرۋستىڭ تارالۋىنان ساقتانۋ كەرەك.

مەملەكەت مەرەكەسى دەمالىسى تاياپ قالدى، تۋىس ـ تۋعان، دوس ـ جاراندارىنا امانداسا بارۋ، سىرتقا شىعىپ ساياحاتتاۋ كوبەيەدى، ادامداردىڭ اعىلۋى جيىلەيدى. حان جۇن مىنانى ەسكەرتتى: دەمالىس كەزىندە ساپارعا شىعۋدان بۇرىن نىسانالى جەردەگى جۇقپالى اۋرۋلاردىڭ تارالۋ جاعدايىنا جانە قاتىستى تاراۋلاردىڭ دەنساۋلىق حاۋىپ ـ قاتەرى ەسكەرتۋىنە قاداعالاي نازار اۋدارىپ، باعىتتامالى قورعانۋدى ويداعىداي ىستەۋ كەرەك.

كەلۋ قاينارى: حالىق تورابى