«شي جينپيڭ جاڭا ءداۋىر جۇڭگوشا سوتسياليزم يدەياسى ساباق جۇيەسى جانە وقىتۋ باعدارلاماسى (پارتيا مۇشەلەرىن، كادرلاردى تاربيەلەۋ - باۋلۋدا پايدالانىلادى)» رەسمي باسپادان شىعىپ تاراتىلدى

«حالىق گازەتى»، 9 - ايدىڭ 23 - كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىمەن تاربيەلەۋ، باۋلۋدى ۇزدىكسىز تەرەڭدەتىپ، ءار دارەجەلى پارتيا مۇشەلەرىن، كادرلاردى تاربيەلەۋ، باۋلۋ قۇرىلىمدارىنىڭ پارتيانىڭ جاڭالىق جاراتۋ نازاريالىق تاربيەسىن ورىستەتۋىنە جۇيەلى جەتەكشىلىك ەتۋ ءۇشىن، ورتالىق ۇيىمداستىرۋ ءبولىمى، ورتالىق ۇگىت ءبولىمى، ورتالىق پارتيا مەكتەبى (مەملەكەتتىك اكىمشىلىك شۋەيۋانى) «شي جينپيڭ جاڭا ءداۋىر جۇڭگوشا سوتسياليزم يدەياسى ساباق جۇيەسى جانە وقىتۋ باعدارلاماسىن (پارتيا مۇشەلەرىن، كادرلاردى تاربيەلەۋ - باۋلۋدا پايدالانىلادى)» (قىسقاشا «باعدارلاما» دەلىنەدى) قۇراستىرىپ جازۋعا ۇيىمداستىردى، تاياۋدا جۇڭگو كوممۋنيستىك پارتياسى ورتالىق كوميتەتى پارتيا مەكتەبى باسپاسىنان رەسمي باسپادان شىعىپ تاراتىلدى.

«باعدارلامادا» شي جينپيڭ جاڭا ءداۋىر جۇڭگوشا سوتسياليزم يدەياسىنداعى ”وندى ايقىنداۋ“، ”ون تورتكە تاباندى بولۋ“، ”13 جاقتاعى تابىس“ سياقتى باستى مازمۇندار ارقاۋ ەتىلىپ، 26 ساباق ورنالاستىرىلدى ءارى ءاربىر ساباقتىڭ وقىتۋ ماقساتى، وقىتۋ ءتۇيىنى، وقىتۋ مازمۇنى، وقىتۋ فورماسى، ءتۇيىندى وقۋ مازمۇنى سياقتىلار ايقىندالدى، بۇل − پارتيا مۇشەلەرىن، كادرلاردى تاربيەلەۋ، باۋلۋ قۇرىلىمدارىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن وقىتۋدى ورىستەتۋىنىڭ ماڭىزدى نەگىزى.

ورتالىق ۇيىمداستىرۋ ءبولىمى، ورتالىق ۇگىت ءبولىمى، ورتالىق پارتيا مەكتەبى (مەملەكەتتىك اكىمشىلىك شۋەيۋانى) ۇقتىرۋ باسىپ تاراتىپ، بىلاي دەپ باسا دارىپتەدى: جەر - جەر، تاراۋلار جانە ءار دارەجەلى پارتيا مۇشەلەرىن، كادرلاردى تاربيەلەۋ، باۋلۋ قۇرىلىمدارى شي جينپيڭ جاڭا ءداۋىر جۇڭگوشا سوتسياليزم يدەياسىمەن تاربيەلەۋ، باۋلۋ جوسپارىن دەن قويا ويداعىداي اتقارىپ، «باعدارلامانىڭ» تالابىنا ساي، نازاريالىق زەرتتەۋدى، ءتۇسىندىرۋدى كۇشەيتىپ، نازاريالىق وقىتۋ رەفورماسىن تەرەڭدەتىپ، نازاريالىق وقىتۋ جۇيەسىن ورناتىپ، پارتيانىڭ جاڭالىق اشۋ نازارياسى جاعىنداعى تاربيەلەۋ، باۋلۋدىڭ تەرەڭدەۋىن، ناقتىلانۋىن ىلگەرىلەتۋى كەرەك.