ەلىمىز قىستاق كوميتەتى مەن تۇرعىندار كوميتەتىندە ”قارتتار جانە ايەلدەر مەن بالالار قىزمەتى“ كوميسسياسىن قۇرماقشى 

مەملەكەتتىك حالىق قۇرىلتايى زاڭ جاساۋ قىزمەتى كوميتەتى 10 – ايدىڭ 23 – كۇنى تىلشىلەردى قابىلداۋ ءماجىلىسىن اشتى. تىلشىلەردى قابىلداۋ ماجىلىسىندە تانىستىرۋعا قاراعاندا، وسى رەتكى تۇراقتى كوميتەت ماجىلىسىندە قىستاق تۇرعىندارى كوميتەتىن ۇيىمداستىرۋ زاڭىنىڭ وزگەرىس ەنگىزىلگەن جوباسى، قالا تۇرعىندارى كوميتەتىن ۇيىمداستىرۋ زاڭىنىڭ وزگەرىس ەنگىزىلگەن جوباسى قارالعان. مالىمدەمەشىنىڭ ايتۋىنشا، ەكى زاڭنىڭ وزگەرىس ەنگىزىلگەن جوباسىندا قىستاق (قالا) تۇرعىندارىنىڭ جاعدايدان حاباردار بولۋ ۇقىعىن، قاتىناسۋ ۇقىعىن، ويىن ءبىلدىرۋ ۇقىعىن، باقىلاۋ ۇقىعىن اناعۇرلىم قامتاماسىزداندىرىپ، قىستاق (قالا) تۇرعىندارىنىڭ زاڭ بويىنشا دەموكراتيالىق ۇقىقتارىن تىكەلەي پايدالانۋىنا كەپىلدىك ەتىپ، جالپى بارىستىق حالىق دەموكراتياسىنىڭ اتقارىلۋىنا جاڭا قوزعاۋشى كۇش سيلايدى.

ءتىلشىنىڭ ۇعىسۋىنشا، بۇل قىستاق تۇرعىندارى كوميتەتىن ۇيىمداستىرۋ زاڭىنىڭ وزگەرىس ەنگىزىلگەن جوبا نۇسقاسى مەن قالا تۇرعىندارى كوميتەتىن ۇيىمداستىرۋ زاڭىنىڭ وزگەرىس ەنگىزىلگەن جوبا نۇسقاسىنىڭ ەكىنشى رەت قارالاتىن نۇسقاسى. 2025 – جىلى 6 – ايدا، 14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 16 – رەتكى ماجىلىسىندە قىستاق تۇرعىندارى كوميتەتىن ۇيىمداستىرۋ زاڭىنىڭ وزگەرىس ەنگىزىلگەن جوبا نۇسقاسى مەن قالا تۇرعىندارى كوميتەتىن ۇيىمداستىرۋ زاڭىنىڭ وزگەرىس ەنگىزىلگەن جوبا نۇسقاسى قارالعان. ءارقايسى جاقتاردىڭ پىكىرىنە ساي، جوبا نۇسقاسنىڭ ەكىنشى رەت قارالاتىن نۇسقاسىندا، باستىسى، مىناداي وزگەرىستەر ەنگىزىلگەن:

بىرىنشىدەن، پارتيا 20 – قۇرىلتايى مەن 20 – كەزەكتى ءۇشىنشى جالپى ءماجىلىسىنىڭ رۋحىن دايەكتى تياناقتاندىرىپ، قىستاق تۇرعىندارى كوميتەتى مەن قالا تۇرعىندارى كوميتەتى قىزمەتىندە ”جالپى بارىستىق حالىق دەموكراتياسىنىڭ اتقارىلۋىنا تاباندى بولۋ جانە دامىتۋ، ءوزىن – ءوزى باسقارۋدى، زاڭمەن باسقارۋدى، مورالمەن باسقارۋدى ۇشتاستىرۋعا تاباندى بولۋ“ دەگەن بەلگىلەمە قوسىلعان.

ەكىنشىدەن، قىستاق تۇرعىندارى كوميتەتى مەن قالا تۇرعىندارى كوميتەتىنىڭ مىندەتى مەن جاۋاپكەرشىلىگى اناعۇرلىم تولىقتىرىلعان، ”قارتتار مەن ۇيدە قالعان بالالارعا“ قامقورلىق جاساۋ، ”قوجالىق قىزمەتى جاعىنداعى داۋ – شارلاردى شەشىم ەتۋگە سايكەسۋ“ قاتارلى مىندەتتەر مەن جاۋاپكەرشىلىكتەر ارتتىرىلىپ، ”قارتتار جانە ايەلدەر مەن بالالار قىزمەتى“ كوميسسياسىن قۇرۋ بەلگىلەنگەن.

ۇشىنشىدەن، قىستاق تۇرعىندارى قىزمەتىن جاريا ۇستاۋ، قالا تۇرعىندارى قىزمەتىن جاريا ۇستاۋ فورماسى مەن شەكتى مەرزىمى جونىندەگى تالاپتار اناعۇرلىم ايقىن تۇراقتاندىرىلىپ، وسىزامانعى ينفورماتسيا تەحنيكاسىنان پايدالانىپ، تۇرعىندار قىزمەتىن جاريا ۇستاۋعا بولاتىنى بەلگىلەنگەن.

تورتىنشىدەن، قىستاق (قالا) تۇرعىندارى قىزمەتىن باقىلاۋ قۇرىلىمدارىنىڭ مىندەت مەرزىمى اناعۇرلىم ايقىن تۇراقتاندىرىلعان، قۇرىلىمنىڭ قۇرامىنداعىلار قىستاق (قالا) تۇرعىندارى ۋاكىلدەر ماجىلىسىنە سىرتتاي قاتىناسۋىنا بولادى ءارى حالىق ۇكىمەتى مەن باقىلاۋ قۇرىلىمدارىنا جۇرتشىلىقتىڭ مۇددەسىنە زيان جەتكىزۋ قاتارلى تارتىپكە، زاڭعا قايشى ارەكەتتەردى اڭىس ەتۋى قاجەت دەپ بەلگىلەنگەن.

كەلۋ قاينارى: حالىق تورابى