جۇڭگو تاعى ءبىر  ”دۇنيە ءجۇزى بويىنشا بىرىنشىلىكتى“ جاراتتى 

10 – ايدىڭ 27 – كۇنى، جاراتىلىستىق بايلىق مينيسترلىگى مەن جۇڭگو عىلىم اكادەمياسى بىرگە ۇيىمداستىرىپ اتقارعان سولتۇستىك ۇيەكتە ادام وتىرعىزعان اسپاپتى تەرەڭگە سۇڭگىتۋ مىندەتىن اتقارعان عىلىمي زەرتتەۋ اترەتى تابىسپەن قايتىپ ورالعان. ەلىمىز دەربەس جوبالاپ جاساعان حالىقاراداعى تۇڭعىش مۇز جارۋ قۋاتىنا يە ادام وتىرعىزىپ تەرەڭگە سۇڭگۋ مىندەتىن ورىنداي الاتىن ”بارلاۋشى 3“ انا كەمەسى ”كۇرەسكەر“ اتتى ادام وتىرعىزۋعا بولاتىن سۇڭگۋ اسپابىن الىپ، سولتۇستىك ۇيەكتە جيىنى 43 رەت سۇڭگۋ مىندەتىن اتقارعان. ”كۇرەسكەر“ جانە ”ايداعار“ اتتى ادام وتىرعىزۋعا بولاتىن سۇڭگۋ اسپاپتارى سۋ استىندا بىرگە جۇمىس ىستەۋدى ورىنداپ، ەلىمىزدىڭ ادام وتىرعىزىپ سۋعا سۇڭگىتۋگە بولاتىن ەكى اسپابى سۋ استىندا سايكەسە جۇمىس ىستەۋ فورماسىندا جاڭالىق جاراتقان.

وسى رەتكى مىندەتتى ورىنداۋ بارىسىندا قالىڭ مۇزدى القاپتا ”كەمە مەن سۋعا سۇڭگۋ اسپابىن سايكەستىرۋ“ ارقىلى جىلجىمالى تۇردە مۇزدى القاپتا سۇڭگۋ سىندى جاڭا فورما قولدانىلىپ، ەلىمىز قازىرگە دەيىن دۇنيە ءجۇزى بويىنشا تۇڭعىش رەت سولتۇستىك ۇيەكتەگى تەڭىز مۇزى تىعىز ورنالاسقان القاپتا ادام وتىرعىزۋعا بولاتىن سۇڭگۋ اسپابىن ۇلاسپالى تۇردە تەرەڭ سۋعا سۇڭگىتۋدى ورىنداعان بىردەن – ءبىر مەملەكەت بولدى. عىلىمي زەرتتەۋ اترەتى ءبىر توپ باعالى سۋ دەنەلەرىن، تۇنبالاردى، تاۋ جىنىستارىن جانە بيولوگيالىق ۇلگىلەردى جيناپ الىپ، كوپ مولشەردەگى باقىلاۋ ساندى مالىمەتىنە يە بولدى، سولتۇستىك ۇيەكتىڭ كليماتىنىڭ جەدەل وزگەرۋى قاتارلى ماسەلەلەردى ىشكەرىلەي زەرتتەۋگە ماڭىزدى عىلىمي تىرەك ازىرلەيدى.

كەلۋ قاينارى: حالىق تورابى