ساۋدا مينيسترلىگى: جۇڭگو جاق انگليا جاقتىڭ رەسەيگە ساياتىندىعىن سىلتاۋ ەتىپ جۇڭگو كاسىپورىندارىن جازالاۋىنا باتىل قارسى تۇرادى

شينحۋا اگەنتتىگىنىڭ 10 – ايدىڭ 27 - كۇنى بەيجيڭنەن بەرگەن حابارى. ساۋدا مينيسترلىگىنىڭ اقپارات مالىمدەمەشىسى 10 – ايدىڭ 27 – كۇنى انگليانىڭ جۇڭگو كاسىپورىندارىن جازالاۋى جونىنەن تىلشىلەردىڭ سۇراۋىنا جاۋاپ بەرگەندە بىلاي دەدى: جۇڭگو انگليانىڭ رەسەيگە سايادى دەگەندى سىلتاۋ ەتىپ 11 جۇڭگو كاسىپورنىنا تىزىمدىككە كىرگىزۋ شاراسىن قولدانۋىنا باتىل قارسى تۇرادى.

ءبىر ءتىلشى بىلاي دەپ سۇرادى: 10 – ايدىڭ 15 – كۇنى، انگليانىڭ سىرتقى ىستەر مينيسترلىگى رەسەيگە ساياتىن جاڭا كەزەكتى جازا قولداناتىندىعىن جاريالادى، مۇنىڭ ىشىندە 11 جۇڭگو كاسىپورنى جازالاندى. جۇڭگو جاق بۇعان قانداي باعا بەرەدى؟

مالىمدەمەشى بىلاي دەدى: ۋكراينا داعدارىسى ماسەلەسىندە جۇڭگو جاق ەجەلدەن ارميا مەن حالىق بىردەي پايدالاناتىن زاتتاردى ەكسپورت ەتۋدى زاڭ بويىنشا قاتاڭ باسقارىپ كەلەدى، جۇڭگو مەن رەسەي كاسىپورىندارىنىڭ قالىپتى بارىس ـ كەلىسى مەن سەلبەستىگى كەدەرگىگە جانە ىقپالعا ۇشىراماۋى كەرەك. انگليا جاقتىڭ ارەكەتى — حالىقارالىق زاڭ نەگىزى جوق جانە ب م ۇ ۇقىق بەرمەگەن سىڭار جاقتى جازا. انگليا جاق جۇڭگو جاقتىڭ تىلدەسۋىمەن، جۇڭگو - انگليا ەكونوميكا - ساۋدا قارىم ـ قاتىناسىنىڭ تاماشا دامۋ جاعدايىمەن ساناسپاي، جۇڭگو كاسىپورىندارىن تىزىمدىككە كىرگىزۋگە تاباندى بولىپ، جۇڭگو – انگليا ەكونوميكا ـ ساۋدا قارىم ـ قاتىناسىنا كەرى ىقپال جاسادى. جۇڭگو انگليانى جۇڭگو مەن انگليانىڭ ەكونوميكا - ساۋدا سەلبەستىگى جالپى جاعدايىن قورعاۋدى شىعار ءتۇيىن ەتىپ، قاتەلىكتى دەرەۋ تۇزەتىپ، جۇڭگونىڭ ناقتى تۇلعاسىنا قاراتىلعان جازانى كۇشىنەن قالدىرۋعا قۋزايدى. جۇڭگو جاق جۇڭگو كاسىپورىندارىنىڭ ورىندى زاڭدى ۇقىق ـ مۇددەسىن باتىل قورعايدى.

كەلۋ قاينارى: حالىق تورابى