ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ينتەرنەتتەگى تىكە تاراتىلىمدا تارتۋ بەرۋگە ساياتىن بىلىققان جاعدايدى ارناۋلى جونگە سالادى 

شينحۋا اگەنتتىگى 10 – ايدىڭ 28 – كۇنى بەيجيڭنەن حابارلايدى. ءتىلشىنىڭ 10 – ايدىڭ 28 – كۇنى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ينتەرنەتتەگى تىكە تاراتىلىمدا تارتۋ بەرۋدى باسقارۋدى اناعۇرلىم كۇشەيتۋ ءۇشىن، ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى ەلىمىز كولەمىندە ەكى ايلىق مەرزىممەن ”پاكتەندىرۋ . ينتەرنەتتەگى تىكە تاراتىلىمدا تارتۋ بەرۋگە ساياتىن بىلىققان جاعدايدى جونگە سالۋ“ ارناۋلى ارەكەتىن ورىستەتىپ، كوڭىل اشۋ سيپاتىنداعى توپتىق تاراتىلىم، جەكەلىك كەڭىستىگىندە تىكە تاراتۋ قاتارلى تىكە تاراتىلىمدا تارتۋ بەرۋگە ساياتىن بىلىققان جاعدايلار وڭاي تۋىلاتىن ءتۇيىندى سالالارعا نازاردى شوعىرلاندىرىپ، ءتورت ءتۇرلى جاقتاعى كورنەكتى ماسەلەلەرگە قاتاڭ سوققى بەرىپ، تىكە تاراتىلىمدا تارتۋ بەرۋ سىندى پايدا تابۋ ارەكەتىن جۇيەگە ءتۇسىرۋدى كۇشەيتىپ، تاماشا تىكە تاراتىلىم ەكولوگيالىق ورتاسىن قالىپتاستىرادى.

ءتورت ءتۇرلى جاقتاعى كورنەكتى ماسەلەلەر مىنالاردى قامتيدى: تۇرپايى توپتىق تاراتىلىم ارقىلى تارتۋ بەرۋگە شىرعالاۋ، جالعان وبىرازبەن تارتۋ بەرۋگە شىرعالاۋ، ازامات جاسىنا تولماعانداردى تارتۋ بەرۋگە شىرعالاۋ، كورەرمەندەردى ەلىكتىرۋ ارقىلى اقىلعا سيىمسىز تارتۋ بەرۋگە شىرعالاۋ.

مۇندا، جالعان وبىراز ارقىلى تارتۋ بەرۋگە شىرعالاۋعا سوققى بەرۋ جاعىندا، ”كەدەي وتباسى“، ”حانىشا“، ”شەتەلدەن وقىپ كەلگەن دەگدار“ قاتارلى جالعان وبىرازدى جاساپ، اسكەريلەر، وقىتۋشىلار، شيپاگەرلەر قاتارلىلاردىڭ اتىن جامىلىپ، ”باقىتسىز وتباسى“، ”زورلىق – زومبىلىقپەن جابىرلەۋ“ قاتارلى جالعان وقيعا جەلىسىن قۇراستىرىپ نەمەسە AI تەحنيكاسى ارقىلى جالعان مازمۇن تۋىنداتىپ، وسى ارقىلى كورەرمەندەردى تارتۋ بەرۋگە شىرعالاۋ ارەكەتىنە ءتۇيىندى تۇردە سوققى بەرىلەدى. ازامات جاسىنا تولماعانداردى تارتۋ بەرۋگە شىرعالاۋعا سوققى بەرۋ جاعىندا، ازامات جاسىنا تولماعانداردى اتا – انالارىنىڭ سالاۋاتتىق ينفورماتسياسىن ۇرلاپ ىستەتۋ ارقىلى تەكشەنىڭ باقىلاۋ – باسقارۋىنان جالتارۋعا ەلىكتىرىپ، تارتۋ بەرۋگە شىرعالاۋ، كورەرمەننىڭ ازامات جاسىنا تولماعان بالا ەكەنىن بىلە تۇرا وعان شەكتەۋ قويماۋ ءتىپتى ونى تارتۋ بەرۋگە شىرعالاۋ قاتارلى ارەكەتتەر ءتۇيىندى تۇردە جونگە سالىنادى.

كەلۋ قاينارى: حالىق تورابى