«شي جينپيڭنىڭ قوعامدىق قامتاماسىزداندىرۋ جونىندەگى ماڭىزدى بايىمداۋلارىن ىشكەرىلەي ۇيرەنەيىك» اتتى كىتاپ باسپادان شىعىپ تاراتىلدى

شينحۋا اگەنتتىگى، 10 - ايدىڭ 27 - كۇنى، بەيجيڭ. ادام كۇشى بايلىعى جانە قوعامدىق قامتاماسىزداندىرۋ مينيسترلىگى ۇيىمداستىرىپ قۇراستىرعان «شي جينپيڭنىڭ قوعامدىق قامتاماسىزداندىرۋ جونىندەگى ماڭىزدى بايىمداۋلارىن ىشكەرىلەي ۇيرەنەيىك» اتتى كىتاپ تاياۋدا حالىق باسپاسىنان باسىلىپ شىعىپ، بۇكىل ەلدە تاراتىلدى.

پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى قوعامدىق قامتاماسىزداندىرۋ قىزمەتىنە وسكەلەڭ ءمان بەرىپ، جالپى حالىقتى قامتىعان، قالا مەن اۋىلدى ءبىر تۇتاس جوسپارلايتىن، ءادىل، بىرلىككە كەلگەن، حاۋىپسىز، جۇيەلى، باياندى كوپ ساتىلى قوعامدىق قامتاماسىزداندىرۋ جۇيەسىن كەمەلدەندىرۋدى ىلگەرىلەتىپ، قوعامدىق قامتاماسىزداندىرۋدىڭ حالىق تۇرمىسىن قامتاماسىزداندىرۋ جانە جاقسارتۋ، قوعامدىق ادىلدىكتى قورعاۋ، حالىقتىڭ ىرىسىن ارتتىرۋ سياقتى جاقتارداعى ماڭىزدى رولىن ءونىمدى ساۋلەلەندىردى. باس شۋجي شي جينپيڭنىڭ قوعامدىق قامتاماسىزداندىرۋ جونىندەگى ماڭىزدى بايىمداۋلارى قوعامدىق قامتاماسىزداندىرۋ ىستەرىنىڭ دامۋ زاڭدىلىعى جونىندەگى تانىمدى تەرەڭدەتىپ، جاڭا داۋىردەگى ەلىمىزدىڭ قوعامدىق قامتاماسىزداندىرۋ ىستەرىنىڭ جوعارى ساپالى دامۋىنا العا باسۋ بەتالىسىن كورسەتىپ، ءتۇبىرلى ولشەم ازىرلەدى. بۇل كىتاپ جالپى 15 تاراۋعا ءبولىنىپ، تاريحي تاجىريبە، جاعداي، مىندەت، رەفورما شارالارى سياقتى جاقتاردان باس شۋجي شي جينپيڭنىڭ قوعامدىق قامتاماسىزداندىرۋ جونىندەگى ماڭىزدى بايىمداۋلارىنىڭ وزەكتى ءمانى، رۋحاني ءمانى، باي مازمۇنى جانە امالياتتىق تالابى جونىندە تۇسىنىك جاسادى.

بۇل كىتاپتىڭ باسپادان شىعۋى قالىڭ پارتيالى كادرلاردىڭ باس شۋجي شي جينپيڭنىڭ قوعامدىق قامتاماسىزداندىرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، قوعامدىق قامتاماسىزداندىرۋ ءتۇزىمى رەفورماسىن ۇزدىكسىز تەرەڭدەتۋىنە، حالىق بۇقاراسىن اناعۇرلىم تولىق، اناعۇرلىم سەنىمدى، اناعۇرلىم ءادىل قوعامدىق قامتاماسىزداندىرۋ قىزمەت وتەۋىمەن قامداپ، رەفورما، دامۋ جەتىستىكتەرىنەن اناعۇرلىم ويداعىداي يگىلىكتەندىرۋىنە سەپتىگىن تيگىزەدى.

كەلۋ قاينارى: حالىق تورابى