پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ بايلانىسىمەن ورتالىق ۇگىت - لەكسيا ۇيىرمەسىن جۇمىلدىرۋ ءماجىلىسى بەيجيڭدە اشىلدى

«حالىق گازەتى»، 10 - ايدىڭ 27 - كۇنى، بەيجيڭ (ءتىلشى جاڭ ياڭ). پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ بايلانىسىمەن ورتالىق ۇگىت - لەكسيا ۇيىرمەسىن جۇمىلدىرۋ ءماجىلىسى 10 - ايدىڭ 27 - كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى جانە ءسوز سويلەدى. ول بىلاي دەپ باسا دارىپتەدى: پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. جالپى ءماجىلىستىڭ رۋحىن ىشكەرىلەي ۇيرەنىپ، ءتۇسىنىپ، ۇگىت - لەكسيا قىزمەتىنىڭ تالاپتارىن جاپپاي تياناقتاندىرىپ، ۇگىت - لەكسيا مىندەتىن جوعارى ساپامەن، جوعارى دەڭگەيدە ورىنداپ، قالىڭ پارتيا مۇشەلەرىن، كادرلاردى، بۇقارانى ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋگە باستاۋ كەرەك.

ساي چي بىلاي دەپ اتاپ كورسەتتى: پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەپ، جاپپاي كۇش سالۋ شەشۋشى كەزەڭىنە قادام تاستاۋ الدىندا اشىلعان ءبىر رەتكى توتەنشە ماڭىزدى ءماجىلىس، جالپى ءماجىلىس «ۇسىنىسىندا» الداعى 5 جىلداعى دامۋ جونىندە جوعارى دەڭگەيلى جوبا جانە ستراتەگيالىق جوبا جاسالدى، بۇل اۋقىمعا قاراي العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدەگى تاعى ءبىر رەتكى جالپى جۇمىلدىرۋ، جالپى ورنالاستىرۋ بولدى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ داستانىن ۇزدىكسىز جازىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشۋداعى تاريحي ىرىقتىلىعىن تولىق ايگىلەدى، بۇل پارتيا مەن مەملەكەت ىستەرىنىڭ دامۋىنا كەلەلى دە تەرەڭ ىقپال جاسايدى. باس شۋجي شي جينپيڭنىڭ جالپى ماجىلىستە سويلەگەن ماڭىزدى ءسوزى مەن «ۇسىنىستى» تىعىز ارقاۋ ەتىپ، ”14 - بەسجىلدىق“ مەزگىلىندەگى ەلىمىزدىڭ دامۋىندا قول جەتكەن كەلەلى جەتىستىكتەردى، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ءمانىن، پارتيا ورتالىق كوميتەتىنىڭ ەل ءىشى - سىرتى جاعدايى جونىندەگى نەگىزگى تۇجىرىمدارىن ايقىن ءتۇسىندىرۋ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن، كەلەلى پرينسيپتەرىن، باستى نىسانالارىن، ستراتەگيالىق مىندەتتەرىن جانە كەلەلى شارالارىن، ءتۇبىرلى كەپىلدىگىن، جالپى ءماجىلىستىڭ رۋحىن دايەكتى تياناقتاندىرۋدا باسا يگەرۋگە ءتيىستى ماڭىزدى تۇيىندەردى ايقىن ءتۇسىندىرىپ، قالىڭ پارتيا مۇشەلەرىن، كادرلاردى، بۇقارانى ءتۇرلى تالاپتاردى ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ بارلىق جاعىندا سانالى تۇردە دايەكتىلەندىرىپ، تياناقتاندىرىپ، ۇلى جوبانىڭ رەالدىققا اينالۋىن بىرگە ىلگەرىلەتۋگە جەتەكتەۋ كەرەك.

ساي چي بىلاي دەپ باسا دارىپتەدى: ۇگىت - لەكسيا قىزمەتىنىڭ ماڭىزدىلىعىن جەتە تانىپ، ۇگىت - لەكسيانىڭ دۇرىس ساياسي بەتالىسى مەن نەگىزگى اۋەن بەتالىسىن يگەرىپ، جالپى ءماجىلىستىڭ رۋحىن دالمە - ءدال، جان - جاقتى، ەگجەي - تەگجەيلى ءتۇسىندىرۋ كەرەك. ءىس جۇزىندىكپەن بايلانىستىرىپ، بۇقارامەن ەتەنە بولىپ، باعىتتامالى تۇسىندىرمەلەردى كوبىرەك جاساپ، جاندى دا جالىندى مىسالداردى، جان تەبىرەنتەرلىك اڭگىمەلەردى كوبىرەك بايانداپ، قاراپايىم دا ۇعىنىقتى سوزدەرمەن، ناقتى دا شىنايى ساندى مالىمەتتەرمەن پارتيا ورتالىق كوميتەتىنىڭ رۋحىن ەگجەي - تەگجەيلى بايانداپ، كوڭىل ءبولىپ وتىرعان ماسەلەلەرگە جاۋاپ قايتارۋ بارىسىندا يلاندىرۋ قۋاتىن، باۋراۋ قۋاتىن جوعارىلاتىپ، قوعامدىق پىكىر مەن مەجەنى ويداعىداي جەتەكتەپ، ۇگىت - لەكسيانىڭ ناقتى ونىمدىلىگىن شىنايى كۇشەيتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي ءماجىلىستى باسقاردى. مەملەكەتتىك كەڭەستىڭ مۇشەسى چىن ي - چين ماجىلىسكە قاتىناستى.

ورتالىقتىڭ ۇگىت، يدەيا، مادەنيەت قىزمەتىنە باسشىلىق ەتۋ گرۋپپاسىنىڭ مۇشەلەرى، ورتالىقتىڭ ۇگىت - لەكسيا ۇيىرمەسىنىڭ مۇشەلەرى، ورتالىقتىڭ ۇگىت، مادەنيەت ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى