مەملەكەتتىك اپاتتان ساقتانۋ، اپات زيانىن ازايتۋ جانە اپاتتان قۇتقارۋ كەڭسەسى اپاتقا ۇشىراعان بۇقارانىڭ قىستان امان وتۋىنە كەپىلدىك ەتۋ جونىندە ورنالاستىرۋ جاسادى

10 – ايدىڭ 27 – كۇنى، مەملەكەتتىك اپاتتان ساقتانۋ، اپات زيانىن ازايتۋ جانە اپاتتان قۇتقارۋ كوميتەتى كەڭسەسى اپاتقا ۇشىراعان بۇقارانىڭ قىستان امان وتۋىنە كەپىلدىك ەتۋ جونىندەگى بەينە ـ ەكران ءماجىلىسىن اشىپ، ءتۇيىندى ولكەلەردىڭ قىزمەت اياق الىسىن ورنالاستىرىپ، جاعداي مەن مىندەتتەرگە تالداۋ جاساپ، تۇجىرىم جاساپ، شارالاردى تياناقتاندىرۋ جونىندە ورنالاستىرۋ جاساپ، اپاتتان كەيىنگى قالپىنا كەلتىرۋ، قايتا قۇرۋ، اپاتقا ۇشىراعان بۇقارانى ورنالاستىرۋ جانە تۇرمىسىن قامتاماسىزداندىرۋ قاتارلى قىزمەتتەردى ويداعىداي ىستەۋگە قۋزاۋ، جەتەكشىلىك ەتىپ، اپاتقا ۇشىراعان بۇقارانىڭ قىستان امان وتۋىنە كەپىلدىك ەتتى.

ماجىلىستە مىنالار اتاپ كورسەتىلدى: بيىل ەلىمىزدەگى ءىشىنارا ولكەلەر قايتا ـ قايتا اپاتقا ۇشىرادى، ىقپالى كۇشتى، ءىشىنارا جەرلەردە شىعىن اۋىر بولدى، قۇلاعان ۇيلەردى قايتا سالۋ مىندەتى اۋىر، اپاتقا ۇشىراعان بۇقارانىڭ قىستان امان وتۋىنە شىنايى كەپىلدىك ەتۋ مىندەتى اۋىر بولىپ، قاتىستى وڭىرلەر مەن تاراۋلار ساياسي تۇرعىنى اناعۇرلىم جوعارىلاتىپ، قىزمەت شارالارىن كەمەلدەندىرىپ، ىلگەرىلەتۋ تەبىنىن ارتتىرىپ، اپاتقا ۇشىراعان بارلىق بۇقارانىڭ قىستان امان وتۋىنە، بىردە – ءبىر ادامدى قاعىس قالدىرماۋعا كەپىلدىك ەتۋ كەرەك.

ءماجىلىس مىنالاردى باسا دارىپتەدى: ۇيىمدىق باسشىلىقتى كۇشەيتىپ، قىزمەت جۇيەسىن اقاۋسىزداندىرىپ، ءار دارەجەلى باسشى كادرلار اپاتقا ۇشىراعان بۇقاراعا باستاماشىلدىقپەن ىشكەرىلەي ارالاسىپ، قىزمەتتىڭ تياناقتانۋىن ىلگەرىلەتۋ كەرەك. قۇلاعان ۇيلەردى قايتا سالۋدىڭ جەرگىلىكتەگى تۇلعالىق جاۋاپكەرشىلىگىن مۇقيات تياناقتاندىرىپ، سايكەستى ىلگەرىلەتۋ مەحانيزمىن اقاۋسىزداندىرىپ، ۇكىمەتتىڭ قۇتقارۋ ـ كومەكتەسۋ، قوعامدىق جىلۋ اتاۋ، قامسىزداندىرۋ بويىنشا تولەم بەرۋ قاتارلى ساياساتتىق بايلىقتارىنان ءبىرتۇتاس ويداعىداي پايدالانىپ، ۇيلەردى قايتا سالۋ، قايتا قۇرۋ اياق الىسىن جەدەلدەتۋ كەرەك. قىس پەن كوكتەمدەگى قۇتقارۋ ـ كومەكتەسۋدى ەگجەي ـ تەگجەيلى ورىستەتىپ، قۇتقارۋ ـ كومەكتەسۋ ساياساتىن جان ـ جاقتى، دۇرىس تياناقتاندىرىپ، اقشا ـ زات ۇسىنىلىمىن ارتتىرىپ، قۇتقارۋعا تيىستىلەرىن مۇمكىندىكتىڭ بارىنشا قۇتقارۋعا شىنايى كەپىلدىك ەتۋ كەرەك. تاراۋلاردىڭ سايكەسۋىن كۇشەيتىپ، اپات تۋىلعان رايونداعى قيىنشىلىق پەن ماسەلەگە باعىتتاي وتىرىپ، قولداۋ تەبىنىن سايكەستى ارتتىرىپ، قىسقى، كوكتەمگى قۇتقارۋ مەن ەڭ تومەنگى تۇرمىستى قامتاماسىزداندىرۋ، ۋاقىتتىق قۇتقارۋ، قيىنشىلىعى بارلارعا كومەكتەسۋ قاتارلى ساياساتتىق مەحانيزمدەردىڭ ءتارتىپتى ۇشتاسۋىن ويداعىداي ىستەپ، قىزمەتتىڭ بىرىككەن كۇشىن قالىپتاستىرۋ كەرەك. اقپاراتتىق ۇگىتتى كۇشەيتىپ، ساياساتتى ۇگىتتەۋدى، ءتۇسىندىرۋدى ويداعىداي ىستەپ، اپاتقا ۇشىراعان بۇقاراعا پارتيا مەن ۇكىمەتتىڭ قامقورلىعىن، مەيىرىن سەزىندىرۋ كەرەك.

كەلۋ قاينارى: حالىق تورابى