مەملەكەتتىك كەڭەس كەڭسە مەڭگەرمەسىنىڭ 2026 – جىلعى ءبىر ءبولىم مەرەكەلىك دەمالىستاردى ورنالاستىرۋ جونىندەگى ۇقتىرۋى

شينحۋا اگەنتتىگىنىڭ 11 – ايدىڭ 4 – كۇنى بەرگەن حابارى. مەملەكەتتىك كەڭەستىڭ كەڭسە مەڭگەرمەسى 2026 – جىلعى ءبىر ءبولىم مەرەكەلىك دەمالىستاردى ورنالاستىرۋ جونىندە ۇقتىرۋ جاريالادى: تولىق مازمۇنى مىناداي:

ءارقايسى ولكە، اۆتونوميالى رايون، توتە قاراستى قالالىق حالىق ۇكىمەتتەرى، مەملەكەتتىك كەڭەستىڭ ءارقايسى مينيسترلىك – كوميتەتتەرى مەن ءارقايسى توتە قاراستى قۇرىلىمدارى:

مەملەكەتتىك كەڭەستىڭ بەكىتۋىمەن، قازىر 2026 – جىلعى جاڭا جىل، كوكتەم مەرەكەسى، چيڭميڭ مەرەكەسى، ەڭبەكشىلەر مەرەكەسى، دۋان – ۋ مەرەكەسى، جۇڭچيۋ مەرەكەسى جانە مەملەكەت مەرەكەسى مەزگىلىندەگى دەمالىس بەرۋ جانە قىزمەت كۇنىمەن اۋىستىرىپ دەمالۋ ۋاقىتىن ناقتى ورنالاستىرۋ جونىندەگى ۇقتىرۋدى جاريالايمىز.

ءبىرىنشى، جاڭا جىل: 1 – ايدىڭ 1 – كۇنىنەن (بەيسەنبى) 1 – ايدىڭ 3 – كۇنىنە (سەنبى) دەيىن دەمالىس بەرۋ جانە قىزمەت كۇنىمەن اۋىستىرۋ ءتاسىلى بويىنشا جيىنى 3 كۇن دەمالىس بەرىلەدى. 1 – ايدىڭ 4 – كۇنى (جەكسەنبى) قىزمەت كۇنى سانالادى.

ەكىنشى، كوكتەم مەرەكەسى: 2 – ايدىڭ 15 – كۇنىنەن (ەسكىشە كالەندار بويىنشا 12 – ايدىڭ 28 – كۇنى جەكسەنبى) 2 – ايدىڭ 23 – كۇنىنە (ەسكىشە كالەندار بويىنشا 1 – ايدىڭ 1 – كۇنى دۇيسەنبى) دەيىن دەمالىس بەرۋ جانە قىزمەت كۇنىمەن اۋىستىرۋ ءتاسىلى بويىنشا جيىنى 9 كۇن دەمالىس بەرىلەدى. 2 – ايدىڭ 14 – كۇنى (سەنبى)، 2 – ايدىڭ 28 – كۇنى (سەنبى) قىزمەت كۇنى سانالادى.

ءۇشىنشى، چيڭميڭ مەرەكەسى: 4 – ايدىڭ 4 – كۇنىنەن (سەنبى) 4 – ايدىڭ 6 – كۇنىنە (دۇيسەنبى) دەيىن جيىنى 3 كۇن دەمالىس بەرىلەدى.

ءتورتىنشى، ەڭبەكشىلەر مەرەكەسى: 5 – ايدىڭ 1 – كۇنىنەن (جۇما) 5 – ايدىڭ 5 – كۇنىنە (سەيسەنبى) دەيىن دەمالىس بەرۋ جانە قىزمەت كۇنىمەن اۋىستىرۋ ءتاسىلى بويىنشا جيىنى 5 كۇن دەمالىس بەرىلەدى. 5 – ايدىڭ 9 – كۇنى (سەنبى) قىزمەت كۇنى سانالادى.

بەسىنشى، دۋان – ۋ مەرەكەسى: 6 – ايدىڭ 19 – كۇنىنەن (جۇما) 6 – ايدىڭ 21 – كۇنىنە (جەكسەنبى) دەيىن جيىنى 3 كۇن دەمالىس بەرىلەدى.

التىنشى، جۇڭچيۋ مەرەكەسى: 9 – ايدىڭ 25 – كۇنىنەن (جۇما) 9 – ايدىڭ 27 – كۇنىنە دەيىن (سارسەنبى) جيىنى 3 كۇن دەمالىس بەرىلەدى.

جەتىنشى، مەملەكەت مەرەكەسى: 10 – ايدىڭ 1 – كۇنىنەن (بەيسەنبى) 10 –ايدىڭ 7 – كۇنىنە (سارسەنبى) دەيىن دەمالىس بەرۋ جانە قىزمەت كۇنىمەن اۋىستىرىپ دەمالۋ ءتاسىلى بويىنشا جيىنى 7 كۇن دەمالىس بەرىلەدى. 9 – ايدىڭ 20 – كۇنى (جەكسەنبى)، 10 – ايدىڭ 10 – كۇنى (سەنبى) قىزمەت كۇنى سانالادى.

جۇمىس ورىندارى مەن جەكەلەر ەڭبەكاقىلى جىلدىق دەمالىس ءتۇزىمى قاتارلى تۇزىمدەردى تياناقتاندىرۋمەن ۇشتاستىرىپ، ءىس جۇزىندە ءبىرشاما ۇزاق دەمالىستى قالىپتاستىرىپ، ادامدار شوعىرلى ساپارلايتىن ۋاقىتتان باسقا ۋاقىتتاردا ساپارعا شىعۋدى ىلگەرىلەتۋگە شابىتتاندىرىلادى. مەرەكەلىك دەمالىس مەزگىلىندە، جەر - جەر، تاراۋلار كەزەكشى ورنالاستىرۋ مەن حاۋىپسىزدىك، اماندىق قورعاۋ، ىندەتتەن ساقتانۋ – تىزگىندەۋ قاتارلى قىزمەتتەردى ويداعىداي ورنالاستىرۋى، ماڭىزدى ءارى توساتتان تۋىلعان ىستەرگە جولىققان جاعدايدا، بەلگىلەمە بويىنشا دەر كەزىندە مالىمەت بەرۋى ءارى ۇيلەسىمدى ءبىر جاقتى ەتۋى، حالىق جۇرتشىلىعىنىڭ مەرەكەلىك دەمالىستاردى بەرەكەلى دە تىنىش وتكىزۋىنە كەپىلدىك ەتۋى كەرەك.

مەملەكەتتىك كەڭەستىڭ كەڭسە مەڭگەرمەسى

2025 – جىلى 11 – ايدىڭ 4 – كۇنى

كەلۋ قاينارى: حالىق تورابى